ELVUSKOTTIÐ HEFUR ORÐIÐ....

Þessari síðu hefur verið lokað

2005-05-11T16:58:00.000+01:00

Er komin með aðra síðu hér:
Vona að þið kíkið við þar í framtíðinni og ekki gleyma að kvitta fyrir ykkur þar :o)
Takk fyrir heimsóknirnar og kommentin ykkar !

Still here..

2005-05-04T14:53:00.000+01:00

Hæææ hóóóó..
Hvað haldið þið... litla krílið ætlar að láta aðeins bíða eftir sér...
Er búin að vera heima "vinnandi" síðan 14.04 sl. og ekkert bólar á snúllanum.
það er komin aukin pressa á mann þar sem 25. apríl (afmælið hennar Ellu systur og Rakelar og Söru) er liðinn.. og svo er 05.05.05 á morgun !!!
Ég er þegar orðin hrædd um að hann verði ekki þess dags aðnjótandi.. þar sem ekkert er farið að finnast.
Þetta er auðvitað einstaklingur í nautsmerkinu og er þar af leiðandi þrjóskur og ekki gefinn fyrir að láta ýta á eftir sér..
Hann / Hún (? best að hafa alla möguleika opna á þessum síðustu dögum ;o)) kemur víst bara þegar hann/hún er tilbúin.
Annars er allt bara fínt að frétta.
Er bara búin að flatmaga fyrir framan sjónvarpið og horfa á rykið sem ég má ekki ryksuga upp af gólfinu (doctors orders).. það er vest að ef maður gerir þetta ekki sjálfur þá gerir það víst enginn.. ;o(
En ryk er bara fyrir feita fólkið að borða eins og segir í little Britain.

Hitti Palla, Óla pabba um daginn.. það var rosa fjör.
Hef ekki hitt hann svo óralengi..
Var bara að keyra fram hjá götunni hans og sá hann í dyrinni að hleypa Óla kettinum sínum út.
Ég snarstansaði svo við lá að svört drossía hefði keyrt á mig þar sem ég var ekkert voðalega mikið að spá hvort það væri einhver bakvið mig..
Ég spillti honum frá próflestri og við fórum í bakarí og keyptum kruðerí handa okkur og Önnu Mjöll sem var einnig próflestri.
Það er svo auðvelt að spilla fólki sem á að vera að læra hehe.

Ýra og Fritz bara flutt ! Til lykke !
Hef nú reyndar ekki heyrt í þeim sjálfum en maður hefur sambönd.
Frétti líka að Thelma hyggur á breytingar og ævintýr en vill nú minnst á það minnast þar sem hún hefur sjálf ekki mikið minnst á slíkt við mig !
En eins og ég segi þá hefur maður sambönd og litla fugla sem hvísla í eyra.
Er að bíða eftir að Ella sprella kíki í heimsókn..
Alltaf gaman að fá heimsóknir.
Fer svo í mæðraskoðun næast á föstudaginn og ef ekkert er búið að gerast næsta mánudag eða þriðjudag þá á að fara að hugsa málið eins og ljósan orðaði það.
Hann kemur eventually greyið skinnið.
Er komin með heimasíðu á barnaland undir nafninu Malli Kútur Atlason check it out.
sjáumst síðar og heyrumst og þefumst... eða eitthvað hehe.
ciao
p.s Anna Panna bara að fara til Köbenhavn 14.maí ! lucky thing..
Ég fer einhverntíma sjálf, minn tími muuun koma !
hef um annað að hugsa þangað til..
eins og t.d barnseignir og brúðkaup !
svo er eurovision á næsta leiti !! gaman.
bless aftur.

Páska Eggið

2005-03-27T15:42:00.000+01:00

Hæ hó.
Efast eitthvað um að einhver sé að skoða þessa síðu lengur.. miðað við hvað maður er nú ROSALEGA duglegur að skrifa ;p(
Það er Páskadagur og maður situr hérna útbýjaður í súkkulaði frá toppi til táar..
Bumban súkkulaði húðuð og krakkinn örugglega líka (sem sagt súkkulaði húðaður að innan sem utan.
Erum að fara í páskamat til Tengdó !
Atli orðin stressaður því hann er tilbúið að leggja afstað.. og þá er nú betra að vera viðbúin.
En hann hefur nú gott af því að bíða smá ik?
Fórum í bústaðinn á fimmtudaginn og gistum tvær litlar nætur.
Þóra, Melli og Tinnsla voru líka ásamt Óla og Sigurlaugu (sem er vinkona Þóru og Óli er vinur hans Atla).
Það var mikið étið af gæða mat og mikið haft notarlegt.
Strákarnir tóku svo upp á að hefja Palllla gerð sem var frábært..
Maður sat allan daginn og horfði á þá vinna.. (svona á lífið að vera.. vildi að ég væri alltaf ólétt.. ) annars hefði mér fundist ég þurfa að "gera" eitthvað ! hehe
Jæja verð að koma í veg fyrir að Atli setji á sig bindi sem keypt er í rúmfatalagernum og lætur hann líta út eins og fulli frændinn í partý-inu hehe.
Nei nei hann hefur ágætis smekk karlinn.
Bless á meðan people !
Ciao og gleðilega vorkomu !!!

Á maður ekki að reyna að tjá sig eitthvað .. svo maður verður ekki of bældur ?

2005-02-04T15:08:00.000+01:00

Hellú.
Jæja allt gengur vel með litla kút.. (Baby-"un"-born)
Var hjá ljósmóðurinni í morgun og allt er eins normalt og mögulegt er.
Kúlan stækkar og vitið þverr í fullkomnu jafnvægi (hehe)
Er búin að vera að fá fáránleg hlátursköst undanfarið.

Það byrjaði um daginn þegar við sátum öll saman inni á kaffistofu í vinnunni og stelpurnar voru að tala um að Gulli-"Guð" á Omega hefði verið í "Sjálfstæðu fólki" hjá Jóni " háfleyga" Ársæli.
Þar var hann víst að útlista þeirri lífsreynslu þegar hann frelsaðist.

Hann var sko á labbi í Heiðmörk einn góðan veðurdag þegar Guð birtist honum allt í einu.
Sagði honum að leggjast niður og kyssti hann !
Hann fór svo heim að þessari lífsreynslu lokinni, fullur af "kærleika guðs".
Honum fannst þetta samt eitthvað pínulítið skrítið þannig að áður en hann færi að segja öðrum frá þessari merku lífsreynslu þá las hann í Biblíunni og leitaði leiðandi ljósi af frásögnum annarra sem höfðu sömu sögu að segja..
Þar fann hann greinar um að aðrir hefðu einnig orðið aðnjótandi kossa frá Guði !
Þá vissi hann að hann væri ekki "geðveikur" !!!
Eins og það væri e-r sönnun á því !

Okkar kenning er samt sú, vitandi það, að fínu frúrnar í Garðabænum þurfa helst lögreglu fylgd þegar þær taka sér rúnt í Heiðmörkinni, að þessi góði staður er einnig uppáhalds staður Perra og rugludalla !
Við erum því búin að komast að því að nú er án efa einhver perrinn í hláturskasti því hann fór fyrir nokkrum árum í Heiðmörkina til að perrast í fólki og hitti þar fyrir, lágvaxinn, mjóróma náunga sem gerði ótrúlegustu hluti bara af því að perrinn "þóttist" vera Guð !!!..
lagðist niður og leyfði honum að kyssa sig í bak of fyrir.
Svo er þessi maður bara komin í sjónvarpið, með eigin þátt og spilar og syngur jesú lög með hjartans lyst.. hehe.
Ekki virðist guðsandi allavega hafa veitt honum guðsljómun í tónlistargáfum !

Snilld.. (Vona að þið skiljið þetta hehe)

Stefanía í vinnunni er komin á fullt í South-beach kúrnum !
E-ð voða gott fyrir línurnar !
Ég fór heim og sagði Atla frá þessu og þá sagðist hann einmitt vera ný byrjaður í "South-fork" kúrnum.
Þar á maður að drekka Whiskey, appelsínu safa.. má ekki segja "hæ" við fólk heldur nota fornöfnin þeirra (sbr. Bobby ! ... J.R ! )
Maður á að íþyngja sér með herðapúðum og kinnalit, og að auki verður maður að ganga um með kúreka hattinn á höfðinu á meðan á þessu stendur !
Hehe.
Jæja nóg að gera svo ég kveð að sinni !
Ciaoo for now !

Sné

2005-01-05T11:51:00.000+01:00

Góðan daginn glaðan haginn.
Eru fleiri farnir að hlakka til sumarsins ?
Þorrinn... páskarnir... sumarið !!!!
Highlight-in á næstu mánuðum... (reyndar verður Apríl eða Maí stór hjá mér...).

Hrafnhildur og Fritz komu í heimsókn í gær..
Ægilega gaman að hitta þau að vanda..
Við stelpurnar misstum okkur í brúðkaups umræðum..
Ætlum báðar að karlast í sumar komanda..
(í staðin fyrir að karlmenn kvænast, þá karlast konur hehe).
Nú dauðlangar mig að heimsækja hana til Danmerkur til að skoða brúðarkjóla.. eða gamla kjule..
Stuuð.

Oh hvað ég á sætan kött ;o)
Finnst svo yndislegt að liggja uppi í rúmi og sjá svo einungis skottið á þessari elsku dinglast þegar hún labbar í kringum rúmið..
Just thought you might want to know.. ;o)
Love catzzzzz...

Matarboð á föstudaginn fyrir fjölsk hans Atla...vegna fjölda áskorana ætlar hann að elda Gúllassúpuna sína frægu.

það var æðislegt í gær... Ég vissi að Atli var að bíða eftir sendingu á e-ju sem hann pantaði á netinu.
það kom svo loxins í gær..
2 bolir og 1 samfella með Metal labels..
Á einum bolnum var hvít hauskúpa.
Á öðrum stóð Metal Baby og á samfellunni stóð : Stinky ..
ótrúlega sæææætt..
Atli er nottla svo mikill metal gaur sko.. vill ekkert að sinn einka sonur sé klæddur í e-r væmin Barbie föt hehe.
jæja hafið það gott.

Elvuskottið gets ready for take of ;o)

Áramót, káramót

2005-01-04T13:44:00.000+01:00

Blessuð og sæl.
Jæja áramótin búin..
Það var gaman.. (var reyndar sofnuð um klukkan 1 ! hehe).
Hver segir að maður VERÐI að vaka til klukkan 6-7 um morguninn bara af því að það eru áramót ?
Maður vakir nú nógu ansdsk... mikið á árinu hvort sem er..
það er ekki eins og maður missi af e-ju rosalegu þó maður vaki ekki alla nýársnótt ...
.... Eða hvað ??? ....
hehe.
Er búin að hafa það fínt um jólin og áramótin..
Reyndar ógeðslega mikið að gera í vinnunni þessa 3 daga sem ég var að vinna á milli hjóla og hnýhárs..
En hver er að muna eftir slíku ?
maður getur unnið þegar maður er dauður...
öööö ..

Ég fékk fullt af góðum hlutum í jólagjöf.
Fleðurhanska, ástarávísunarhefti og eina mistery gjöf (sem ég á eftir að fá) frá Atlanum mínum.
Geðveikt Málverk og diska í stellið frá Önnslu og Dórsla..
Rosa sæt jóla-hreindýra-glös frá Thelmu Rún.
Jólakökur frá G.B og Th. Rós ;o)
Álfaskó og kisubolla frá Unni, Sigga og familí.
Rakle(i)tt frá Mömmu og Pabba.. (Anna fékk líka þannig að nú getum við sko haldið ærlegar raklett veislur whenever we fancy :o)
Mega sega Samloku grill frá tengdó og Rauðvínsglös.
Ólífu bakka og heimalagaðar karamellur og brjóstsykur frá Ýru og familý.. + barnaföt frá Sindra (Ýru syni)..
Rosa flotta diska frá Telmu og þóru og mökum... er að byrja að safna öðru stelli líka..
maður er svo dannaður..
Yes þá held ég að þetta sé bara að mestu upptalið..
kisa fékk líka góðar gjafir.. glimmer ól frá Guðmundi Birki og Thelmu Rós og harðfisk lostæti frá Önnu frænku sinni ;o)
Hún var himinlifandi yfir þessu..

Jamm jamm .. sem sagt alltaf gaman á jólunum.
Borðuðum góðan mat hjá tengdó og höfðum það notó.
Svo voru jólaboð bæði á jóladag og annan.. og svo komu Anna, Dóri og Thelma í mat til oss á annan í jólum líka.
Svo lágum við Anna sys í leti á mánudeginum og horfðum á myndir og höfðum það gott.

Vá er að fara í mat svo við heyrumst krakkar mínir..
Sjáumst..

Gleðileg jól allir saman

2004-12-23T14:50:00.000+01:00

Vá hvað það er orðið langt síðan maður skrifaði eitthvað hérna ;o)
Lélegur er maður.

Jæja þá er bara að líða að jólastund.
Gamanagaman.

Við Atli verðum hjá foreldrum hans á morgun (mín flúðu í sólina á Kanarííí)..
það verður vafalaust notarlegt sem mest má vera ef ég þekki tengdafólkið mitt rétt.
Góóóóður matur og þægilegt jólaumhverfi.
Svo verða Þóra og Tinna Mjöll litla þarna líka.
Mér mundi finnast skrítnara að vera ekki með Atla mínum á jólunum heldur en mér finnst að vera ekki með mömmu og pabba.

Þetta er nú ekki í fyrsta skiptið sem ég er aðskilin frá foreldrum mínum á jólum.
Var tvö jól í ítölsku ölpunum hjá Önnu systur þegar hún bjó í Róm.
Það var æðislegt og auðvitað alveg ógleymanlegt....
Það er einmitt skrítnara að vera ekki með Önnslunni sinni á aðfangadag..
Það hefur aldrei gerst áður.
Við ætlum þó að "bond-a" á mánudaginn þar sem ég verð í fríi..
Ætlum að liggja uppi í sófa og horfa á eitthvað skemmtilegt með súkkulaði bolla í annarri og súkkulaði mola í hinni..
Jömmí slömmí..

Ég er nánast búin að öllu ..
Keypti nánast allar jólagjafirnar í Ameríku ferðinni miklu og tók svo til hendinni í gær og þreif og skrúbbaði á mettíma..
Rosalega gott að vera búin að því helv... hehe.
Tókum fram jólatrés strákústinn, kisu til mikillar gleði :o)
Svo er það bara að skreyta það í kvöld og hlusta á Bubba og hafa það huggó.
Ætli maður fái ekki e-ja góða jólasveina og sveinkur í heimsókn.
Veit að Hrafnhildur og Fritz ætla að kíkja... og svo koma systurnar og líklega Thelma.
Gaman gaman.
Oh nú er ég komin í svo svakalegt jólaskap allt í einu.
Það var nefninlega búið að vera í alveg sögulegu lágmarki undanfarnar vikur.
Sérstaklega þar sem ég fékk mígreni kast dauðans í síðustu viku.
Hélt að ég væri að deyja..
En svo kikkaði þetta inn í gærkvöldi.. og núna er maður búin að blasta útvarps jólakveðjunum á í vinnuni og er að hakka í sig mandarínur og kökur.
Hehe.

Litla Álfi líður vel held ég bara... maður finnur alltaf meira og meira fyrir honum.
Fórum by the way í sónar og þar kom ýmislegt í ljós ( allavega kynið hehe).
Ég keypti svona hjartahlustunartæki í Ammríku og maður er búin að vera að hlera hann á fullu.
Ég var búin að heyra alls konar hreyfingar og spörk í honum en svo þegar ég fór að heyra meira í "honum" inni í maganum á Atla þá runnu á mig tvær grímur hehe.
Nei þetta er voða sniðugt tæki.
það býr auðvitað lítill kall inni í Atla (þessi sem drekkur allan bjórinn frá honum).

Svo er ég búin að afgreiða það að "fara niður laugarveginn á þorláksmessu"
Keyrði þar niður í morgun á leiðinni í vinnuna.. hehe.
Fannst ég ofsalega séð..

Jæja á maður ekki bara að fara að hætta að bulla í bili.
Allavega svona þangað til næst.

Sendi öllum mínar bestu jólakveðjur og óska ykkur farsældar á nýju ári.
(Hvað er þessi Ári alltaf að troða sér ??) mooahhaaaa.

Bless og har det bra !!!!!!!

Smile !

2004-11-19T16:33:00.000+01:00

Hæbb.

Óþægilegt áðan.
Það hringdi kúnni og hann byrjaði að tala með ógeðslega slímugri röddu...

"Já góðan daginn, Sigurður heiti ég og er hjá gluggum á Akureyri... "
Ég átti svo bágt með mig..
Sá hann fyrir mér standandi fyrir framan búðarglugga og héldi að hann væri í vinnunni hehe.
Þetta er eins og þegar það var alltaf e-r kona að hringja og sagðist vera "í Augunum Okkar"
Það er semsagt eitthvað fyrirtæki sem heitir þetta hehe.
Krrruueizzzý in the brain house,

Fór á "Bridget Jones, the edge of reason" í gær.
Ógeðslega fyndin og ég grét alveg úr hlátri.
Mæli með henni við alla.
Fór með Önnu og Thelmu og Ellu systur.
Það fyndnasta var að allt sem blessuð Bridget gerði gat maður alveg trúað Ellu fyrir að gera líka.
Alveg jafn seinheppnar.

Já helgi fram undan.. ekkert planað..
Kannski Idol kvöld hjá Telmu mágkonu..
Kemur allt í ljós.

Hafið góða helgi alle sammen og gangiði hægt um gleðinnar dyr (því það er svo mikil hálka hehe)
Bless á meðan.

Afmæli búið nú taka jólin við !!!

2004-11-12T14:07:00.000+01:00

Hæ hæ.
Jæja nú er maður búin að halda upp á afmælið sitt og svona..
Atli bauð mér í mat (reyndar í vinnuna hjá sér hehe) og gaf mér rosalega flottan hring í afmælisgjöf.
Svaðalega ánægð með hann auðvitað.. svo ætlar hann að gefa mér flotta málningapensla svo ég geti farið að mála myndir.
Bauð mö og pa og Thelmu Rún og Ellu og Guðmundi Birki og Thelmu Rós í kaffi boð á Miðvikudaginn.. afmælisdaginn..
Það var voða gaman.. fékk fullt af peningum og álf og inneign í kringlunni og rosa flott poncho frá þeim Telmu og Þóru mágkonum mínum góðu.
Svo komu tengdó og þau gáfu mér much needed veltilak og sokka (tengdamamma setur alltaf sama sem merki á milli götóttra sokka og mín :o)
Alltaf gaman að eiga afmæli.

Ætla í Nudd til mágkonu mömmu á þriðjudaginn.. það er eiginlega afmælisgjöfin frá mömmu og pabba sko.. æðislegt.

Var að klára söguna mína (sem engin nema Anna Mjöll og nokkrir nördar fá að lesa hehe).
Búin að liggja yfir þessu 81 síða verki síðan í maí, júní... (reyndar rosalega mikið af myndum þannig að sagan sjálf er nú kannski ekki nema svona 45 bls).
En samt það er nú eitthvað.
Væri sko alveg til í að vera frægur rithöfundur og vera rosa rík af því að vera búin að selja svo mikið af bókum og geta búið bara uppi í sveit og elt gamla geit með lap-toppinn í annari hendinni..
Vííí það er að koma helgi.. loksins

Sæt mynd af ketti.. myndi koma mér í gott skap -> Köttur.
Hafið það gott apakettirnir mínir.

Úúúahúúuúúhúúuúú.

Bæjóbbæbæbææbæææ.

Einn dagur í afmæli !

2004-11-09T14:08:00.000+01:00

"Áttu nokkuð tvö rör ??"

Sæl og blessuð.
Já nú er minn síðasti dagur ever þar sem ég er 28 ára..
Já Anna mín þetta er staðreynd ! we're going to be 30 next year.. !!! AAAAA
(þurfið að skrolla aðeins niður til að sjá okkur systurnar í rauðu drögtunum okkar :o)
Ekkert svo slæmt svosem sei sei nei..
Það er líklega margt verra en að verða þrítugur..
Eins og til dæmis að verða EKKI þrítugur.
Hugsið um það.
En já ég er sem sagt að verða 29 á morgun !!!
Gamanagaman
Nú erum ég og álfur litli alltaf í meðgöngu jóga á mánudögum og miðvikudögum.
Það er ekkert smá gott, maður er alveg endurnærður og ferskur.

Já já svo er maður bara að vinna og borða og sofa og stundum að horfa á sjónvarpið eða ekki.
Er búin að vera að hamast í Photo shop eins og brjálæðingur flest kvöld.
Maður er að æfa sig.
Sem sagt voða lítið að frétta sem markvert er.
Nema að ég á afmæli á morgun !
Læt þetta nægja í bili..

Christine.. the car of satan !!!

2004-11-03T16:20:00.000+01:00

Christine er gengin aftur.. eða keyrð aftur hehe.
Við vorum að beygja inn hjá Nýherja í morgun þegar það heyrðist allt í einu einhver dynkur.
Thelma hafði sérstaklega mætt klukkutíma fyrr en venjulega í sund til að geta fengið far með okkur.
Hún ætlaði nefninlega að fá svo far með mér heim til að geta svo komið með mér með kisu litlu til "tann"læknis hehe (nei bara til dýralæknis).
Allaveganastabarasta þá héldum við að það væri örugglega bara sprungið.
En svo var nú ekki þannig að ég keyrði Thelmu í vinnuna og svo mig í mína vinnu.
Svo þegar ég var komin að afleggjaranum að flugfélaginu þá er ég búin að taka eftir að það rýkur eitthvað óvenjulega mikið úr bílnum.
Þóttist ekkert taka neitt rosalega mikið eftir því (varð að komast í vinnuna !!).
Mér stóð nú ekki á sama á endanum því allt í einu fannst mér bara eins og bíllinn stæði í ljósum logum.. hehe.
E-r kall í næsta bíl varð alveg rosa hræddur og við alveg í panikk hehe.

Svona er maður vitlaus..
Auðvitað hefði maður átt að láta Atla skutla sér á fyrirtækisbíl eða eitthvað.
jamm jamamamma
Allt í góðu að frétta af okkur skötu hjúum annars.
Vorum að fá okkur nýja myndavél sem er ógeðslega flott.
Atli búin að vera fastur í tölvunni að skoða e-ja fíltera og græjur með þessu dóti.
Hann þarf alltaf að fá nýtt leikfang reglulega kallinn hehe.
jæja nóg í bili þarf að fara að fá bílaleigu bíl hjá HURTZZZZ...
Maður verður að redda sér.
sjáumst

Mömmó

2004-10-28T14:58:00.000+01:00

Halló halló..
Eru allir hressir og kátir og við góða heilsu ?
Vona það nú.

Jæja nú eru sko stórfréttir fyrir ykkur..
Ég er ei kona einsömul lengur.. (bomsí bomsí) já já.
Og Atli er maður þrísamall hehe.

Er sett þann 30.apríl 2015 (er eins og fíllinn hehe).
Nei 30.04.2005 auðvitað..
Rosa hamingja með það náttúrulega.

Ætla að setja upp veðbanka um hvort kynið þetta verður..
Endilega kommentið á það og takið þátt
:O)

Svo var "Atlasystir Þórulína litla spons" að eignast enn minni Þórulínu litlu spons stelpu í fyrradagskvöld.
Fórum að skoða dúlluna í gær og ætlum aftur á eftir.
Fyndið að Telma hóf leikinn og á núna 6 mánaða gamla dúllu..
Svo átti Þóra á dögunum og svo kem ég (Atli) eftir sex mánuði..
Þau eru svo samtaka þessi systkin.. it's uncanny.

Fór í gær í stelpukvöld til Önnu pönnu..
Horfðum á America´s next top model í góðu yfirlæti.
Djöfull er Tyra Banks viðbjóðslega óþolandi..
En þetta er skemmtilegt.

Horfði á Troy um daginn.
Hún kom bara skemmtilega á óvart.
Brad nánast alltaf bara ber sem var ekkert að skemma myndina neitt.
Verð þó að viðurkenna að ég er engin sérlegur Brad aðdáandi..
Aðeins of mikið súkklaði fyrir mig sko..
Ég bráðnaði náttúrulega alveg þegar Sean Bean í hlutverki Odysseifs mætti á skjáinn (gaurinn sem fær þá góðu hugmynd að búa til Trjóuhestinn.)
Hann sem leikur Boromir í LOTR.
Eric Bana(ni) ekkert ljótur né Orlando Blomm (svoldið of píkulegur í þessari mynd reyndar... )
Já já..
En já myndin sjálf var líka ekkert léleg.. hehe

Oh nú eru heilir 47 dagar þangað til Extented Edition af Return of the King kemur í verslanir..
Alltof langt fyrir svona nörda eins og mig.
En ég hef afmælið mitt .. sónar og Ameríkuverslunarferð til að stytta mér stundir á meðan.
Ein geðveik hehe.

Jæja over and out for now people (sagt með Carson í "Queer eye for the straight guy" hreim).
Hann er svo mikil dúlla.
Elvuskottið og blíííb biðja að heilsa ykkur í bili.
Mjáááá.

Freaky.. thursday

2004-10-21T13:55:00.000+01:00

Hæ hæ góðir hálsar.

Allir kátir og sprækir eins og lækir ?
Það er nú gott.
Fínasta veður úti (as I speak/write).
Megum við því eftir leiðindi síðustu daga.
Fer aldrei út að labba út af þessu roki og kulda...

I wanna go to America..
I wanna go to Ameríícaa..
I wanna go to Amerííícaaaa..

Erum að fara til Amerííííkaaaa í desemberskí..
Var ég búin að minnast á það við ykkur eða ?
Ætla að versla nauðsynjar og ónauðsynjar.. hehe.

Ekkert mikið að frétta sossum... Maður lafir á lífi...
Allt gott um það að segja.
Idolskí á morgun.
Gaman gaman.
Sjáumst halanegrar !

2004-10-15T14:45:00.000+01:00

Hvað er þetta með mig og excorsist púkan sem eltir mig á röndum þessa dagana ?

Ég var að hlusta á Tvíhöfðan minn í gærmorgun og Jón Gnarr var að leika mann í "Smásálinni" (sem er svona dagsskrárliður þar sem er verið að gera grín af "þjóðarsálinni".. svona nöldur og tuð þáttur).
Maðurinn hringir og er svona líka rosalega kammó og góðlegur í símanum.
Hann er að segja þáttarstjórnandanum frá því þegar hann var brottnumin af geimverum en það fyndna við þetta skot er að röddin á honum breytist stundum og þá er eins og e-r ógeðslegur djöfull sé að tala..

"Já ég var bara að keyra í rólegheitum eitt kvöldið og þá sé ég allt í einu ljós fyrir ofan mig.....Þissððsðððmuunsuuðððzzzzasölllsbrennnananana..... það koma svo þarna geimverur og fara með mig í geimskipið sitt og gera á mér tilraunir.
Þeir eiga svo við mig mök (verður svolítið violated í annars gleðilegri röddinni) en það líður svo yfir mig í miðjum klíðum og svo veit ég ekki af mér fyrr en ég vakna upp í bílnum mínum.
Jeggssskálalaasdkykkurogggaoosskyrrkkui....
"Ég var farin að halda að ég hefði dreymt þetta en svo þegar ég þurfti næst að hafa hægðir þá kom sérkennilegur málmhlutur með.
"já þetta var nú merkileg frásögn" segir þáttarstjórnandinn.
"já ég vildi bara svona segja frá reynslu minni Sjösgfullinnssataatnnadrýssillszzzssaasdjöaffalalrrrr......
"Bíddu hvað varstu eiginlega að segja þarna ? Spyr þáttarstjórnandin og er greinilega ekki alveg orðið sama...
"Ja ég var bara að segja að ég vildi segja ykkur frá reynslu minni og deila þessu með öðrum...
Gaurinn greinilega alveg oblivious yfir því að hann er andsetinn hehahha.
Mér fannst þetta alveg frábært atriði.

Var einmitt með þetta sketz í huga þegar ég var svo einu sinni sem oftar að fara yfir stóru ljósin af Hringbrautinni yfir á Snorrabrautina.
Þetta eru svona beygju ljós og maður þarf alltaf að bruna yfir á ljóshraða til að verða ekki fyrir bílahjörð sem koma úr öllum áttum.
Er búin að vera í vandræðum með bílskrjóðinn undanfarið þar sem hann á það til að drepa bara á sér um leið og maður ætlar að taka af stað.
Þetta gerðist sem sagt í gær þegar ég var úti á miðri götu og þar af leiðandi fyrir öllum sem voru að reyna að komast.
Átti svo "fótum mínum fjör að launa" þegar bíllinn fór í gang aftur.
En það sem gerist nánast undantekningalaust í þessum aðstæðum er að fólk er farið að flauta á mann liggur við áður en maður á að fara af stað.
Djöfulsins ... Ansddsosokotttoinnnnndjöffullslzzzzlinsnss....... stress í umferðinni maður.
Þegar ég var komin í skjól og yfir götuna þá fékk ég svo mikið kast af því að ég fór að sjá fyrir mér að það væri bara einhver púki sem hefði þann starfa að elta mig á röndum og flauta á mig við minnsta tækifæri í umferðinni..
Svo hefur fólkið sem sá mig festast þarna á ljósunum og steita hnefan í allar áttir, séð mig svo á næstu ljósum í hláturskasti og örugglega hugsað "þessi er sko á einhverju"..
Já vona að þetta hafi skilist en ef ekki ....Étttiiiðððiiskítttogdrulluuuuumeððððsulllttuuuu..... hehe.

Það var svo ógeðslega fyndið í gærkvöldi þegar við Anna og Thelma fórum í bíó á Wimbledon myndina.
Anna var svo sæt að byrja á að bjóða okkur í pasta og ég var að segja þeim frá sketchinu og ljósasöguna og þær fengu mikið út úr þessu.
Við erum svo í bíó í góðu yfirlæti
Einhver róleg sena í gangi og frekar sorgleg þegar kona aftast í salnum fær þetta líka ljóta hóstakast og það hryglir eitthvað voðalega "púkalega" í henni og við Thelma fengum svo mikið kast að við ætluðum aldrei að geta hætt..
Pínlegt.. hehe.

Jamm jamm sem sagt allt að gerast.
Helgin fram undan og maður ætlar að reyna að vera duglegur að hjálpa pabba sínum í húsinu og sýna lit.
Idol í kvöld hjá Telmu Atla systur, alltaf gaman að fjölmenna í slíkt.
Hafið það bara gott gott fólk og passið ykkur á púkunum :o)

Mjáááááááá...
P.s kisa er búin að vera í stofufangelsi vegna ofurdugnaðar í fugla veiðum..
Best að halda henni bara inni.

.....Aaaanttttiiiiiikristttusuurrrréettututuurrrrrrmauuuuuraaaaahellvvíiiiiiitizzzzzz........

Góða helgi :o)

2004-10-13T15:59:00.000+01:00

Slen.
Men
gen.

Ég eignaðist nýja vinkonu í dag.
Ingibjörg sem er að vinna með mér kom með 9 ára dóttur sína með sér í vinnuna.
Hún er búin að skreyta mig alla með bréfaklemmu armböndum og hálsmenum.
Þetta er reyndar bara frekar flott..
Ég er allavega búin að vera með þetta á mér í allan dag.

Vá Miðvikudegi bara að fara að ljúka, þá er nú stutt í helgina.

Við Atli fórum í Trivial Pursuit og það kom e-r asnaleg spurning sem hljómaði svo :
Hvaða íslenska leikrit hefur oftast verið sett á fjalirnar ?
Ég hugsaði mig lengi um og ákvað svo bara að skjóta á eitthvað.
"Æ bara Fjalla Loftur" !
Þetta kom bara óvart sko.. ég VEIT alveg að leikritin heita "Fjalla Eyvindur" og "Galdra Loftur" en þessu sló bara svona skemmtilega saman.
Held að þetta sé partur af athyglisbrestinum mínum :o)

Umh yndisleg óplanlögð helgi framundan.
Alltaf gott að eiga helgina alla fyrir sig.
Við vorum að hirða hurð hjá Dána hennar Ellu sem kemst vonandi fyrir í herberginu okkar í bústaðnum.
Alltaf gaman að betrum bæta hjá sér :o)

Jæja hafið það nú gott krílin mín.
Sjáumst og heyrumst og skjáumst ;o)

Kattarsýningin ógurlega

2004-10-11T13:31:00.000+01:00

Jæja maður var nú menningarlegur um helgina og fór á kattarsýningu í kópavoginum.
Svossum ekki frásögu færandi nema að við Guðmundur Birkir (litli frændi) misstum okkur aðeins í gleðinni og fórum að leika við nokkra ketlinga sem voru voða hressir og sætir í búri.
Við hliðina á þeim lá risavaxin Norskur skógarköttur makindalega og lét sér leiðast.
Ég vorkenndi honum og vildi koma smá lífi í hann og beindi leikfanginu að honum.
Hann var nú ekki hressari en svo að í staðin fyrir að stökkva á fætur og fara að elta dótið þá velti hann sér í nokkra hringi og endaði með hausinn í miðri vatnsskál.
Um leið og það hafði gerst þá var köttur númer 46 kallaður upp til dómnefndar og þá átti að fara að dæma hann (frá lifendum og dauðum).
Fólkið sem átti hann fékk alveg flog þegar þau sáu dýrið allt rennandi blautt og slepjulegt.
Kettir eru ekki mjög þokkafullir þegar þeir verða blautir og þessi var engin undantekning ;o)
Þau voru svo á fullu að hamast við að þurrka hann með því að blása á hann með svo miklu offorsi að ég hafði mestar áhyggjur af því að þau myndu líða út af vegna súrefnisskorts hehe.
Greyin ef þau hafa nú tapað keppninni bara út af mér og missa þar af leiðandi fullt af tekjum fyrir að geta ekki selt ketlingana sína eins dýra...
Svona er það þegar ég (fíllinn)er hleypt inn í kristalsbúðina (keppnin)....
Only bad things can happen.
Þetta voru rosalega sætar kisur þarna samt.
Nema persa kettirnir.. djöfull finnst mér það vera mikið waste of time.

Talandi um ketti þá er kisan mín búin að slá eigið met í fuglaveiðum um helgina.
Kom með einn á fimmtudagskvöldið annan á föstudaginn (fann hauslausan fugl á ganginum og svo kom hún með enn annan á sunnudaginn.
Hún er núna í straffi og verður það út vikuna.
Greyið voða dugleg.

Ég spurði Guðmund Birki hvað hann langaði í í jólagjöf..
Jaaa sko mig vantar hjól ....
og svo er ég að verða uppiskroppa með sokka !
Brilljant fyrir 10 ára hehe.

Var annars bara róleg um helgina, var bara ein heima á föstudaginn því Atli fór í eitthvað geim í sambandi við vinnuna.
Hann var þó komin snemma heim enda vel upp alinn kallinn hehe.
á Laugardaginn var ég að mála Hafdísi frænku fyrir 50 afmælið hennar.
Náði svo í Guðmund og hann var hjá okkur yfir nóttina.
Fengum okkur Kentucky og horfðum á mynd og svo fórum við í Lord of the rings leik þar sem ég var burstuð... enda fékk ég ekkert að drepa !
Verð að fara að æfa mig í þessu svo maður sé nú samkeppnisfær.

Anna og Thelma komu svo í heimsókn á sunnudaginn og Anna kom færandi heldi með Bröns.. ekki slæmt.
Fórum á fyrrnefnda kattarsýningu og fengum okkur svo ís.
Höfðum það svo bara notó um kvöldið við Atlzz og horfðum á Dracula

Bið að heilsa ykkur skjátur.
Heyrumst.

Blóm í eggi

2004-10-07T15:41:00.000+01:00

Howdy folks.

Bara hress ?
Ég er hress og kát.

Ákvað eftir átakanlegan þátt í "America's next top model" að hætta að láta neikvæða orku fylla skap mitt leiðindum ...
Er því búin að einbeita mér að því að vera jákvæð og hress sem er alltaf skemmtilegra.
Ein djúp að vitna svona í Americas next top model (módel hafa líka sál ! ;o) hehe.

Allt gott að frétta annars bara jamm jamm.
Fór á Egó með Ellu systur, Gígju vinkonu hennar og manningum hennar, Begga (Bergsveinn fyrrv. landsliðsmarkmaður með meiru í handbolta ! Like famous).
Það var rosa gaman.
Vorum reyndar sammála að þeir hefðu vissulega mátt taka fleiri Egó lög.. þar sem þetta voru nú "Ego" tónleikar.
Það jafnast nú ekkert við það að hlusta á gullna smelli eins og
"Móðir hvar er barnið þitt",
"Serpneskt blóm",
"Það er kyrrlátt kvöld við hafið"
Að ógleymdu "Fjöllin hafa vakað".
Snilld.. hrein snilld og djöfull er Maggi frændi (trommari) geðveikt góður.

Ella var stórkostleg að vanda..
Reitti af sér Ellu sögurnar víðfrægu svo fólk veltist bókstaflega um af hlátri.
(þarf að segja nokkrar hérna við tækifæri, maður á bara til að hlægja svo mikið á meðan maður segir þær að það getur tekið tíma að koma þeim frá sér).

Ég gerði svo þau mistök að draga liðið með mér á Kebab á eftir og Ella fór að kvarta yfir því hvað það væri lítið inni í kebabnum (hún fattaði svo eftir á að megnið hafði lent á buxunum hennar hehe).
Örugglega ekki sú eina sem hefur lent í því.
Hvað er þetta með svona erfitt borðandi mat !

Það var svo stuð í barnamessu daginn eftir.
Það var verið að skíra litla engilinn hann Daníel Vigni Bergvins Sigurðsson (Yngsti bróður sonur minn).
Ég bráðnaði nú ekki við að koma inn í kirkju, heiðinginn sjálfur hehe.
Það voru svo auðvitað veisluhöld allan daginn og lambalæri um kvöldið.
Pabbi hélt uppi stuðinu með því að spila e-n disk sem hann hafði keypt með Southriver trio.. kántrí alltaf gott í skírnarveislum hehe.

Ég var svo alveg að drepast í höfðinu og með beinverki á mánudag og þriðjudag þannig að það var bara tekið því rólega.
Ekkert gaman.
Horfði reyndar í fyrsta skiptið á Bram Stoker's Dracula.
Djöfull er hún góð.
Ekki láta ykkur bregða ef ég fre smátt og smátt að breyta fatastílnum í átt að Marlyn Manson gengis thingy... hehe

Mætti svo galvösk í geimið (vinnuna) í gær.
Fór með mö í göngutúr um kvöldið sem er alltaf gaman.

Við Atli vorum að horfa á Hollywoods inside story eða eitthvað á Skjá einum
Það var verið að tala um dætur rokkara og Chastity Bono var eitthvað að tjá sig um sín lesbísku hugðarefni.
Ég missti svo út úr mér "hvað er þetta með hann Bonny Sono"?
Hehehe.. Atla fannst þetta frekar fyndið.

Jæja búin að vera alltof lengi að pára þetta.
Siggi kemur í nautakjöt í kveld.. og Anna litla líka.
Þau fara svo á Laugardaginn.
Siggi og Unnur og Börnin sko ekki Anna Mjöll með þeim... (bara til að fyrirbyggja miskilning)
Þá ætla ég að passa Guðmund Birki frænda og ég held að ég sé spenntari en hann því ég ætla að sýna honum Goonies (honum finnst þetta örugglega geðveikt hallærisleg mynd hehe.

jæja við sjáumst !

Jólin koma... jólin koma..
trallallaaallaaa.

Í desember !

Föstudagur til stuðs

2004-10-01T15:33:00.000+01:00

Hello.
Langt síðan maður hefur skrifað maður!

Ákvað að skrifa eitthvað sniðugt til að halda geðheilsunni hérna í þessari blessuðu vinnu minni.
Nenni nú ekkert að fara nánar út í það en það er gott að pústa.

Siggi sadisti bróðir kom í heimsókn í gær og fékk sér nokkra öllara for old times sakes.
Hann var í því að pína köttinn og heimta að ég lagaði á honum skeggið.
Átti með minni einstöku "make-over" hæfni að breyta honum í Jhonny Depp eins og hann var í Pirates of the Carabean.
Skegg er nú ekki alveg mín sterkasta hlið en við vorum þokkalega ánægð með útkomununa.
Ég ætti kannski að leggja rakarann fyrir mig.

Nú verð ég bara að beina skeggvexti Atla í sömu átt :o)

Þóra og Melli komu líka í heimsókn í gærkvöldi sem var nú mikil mildi.
Ég hafði kveikt á flotkertum sem liggja í vatni í stórri glerskál á ganginum.
þegar ég fór svo til dyra þá sáum við að það var að kvikna í gerfi blómi sem var einnig í skálinni...
Það er því aldrei að vita hvernig þetta hefði farið ef þau hefðu ekki komið á akkúrat þessu augnabliki.

Siggi ákvað svo að það væri rosa sniðugt að vera með partý heima hjá okkkur fyrir vini sína í kvöld þannig að ég á í engin hús að vernda ;I

Reyndar er þetta ekki eins slæmt og ég gef í skyn því ég ætla í Idol gláp til Þórulínu og skríða svo til Thelmuskottsins og fá að gista í gestaherberginu hennar.
Það er alltaf svo notarlegt.

Svo eru hugsanlega Egó tónleikar á morgun !!!
Við systkynin ætlum líklega að fjölmenna á þá.
Það verður fjör :o)

Jæja gangið nú hægt um gleðinar dyr og take care !
Góða helgi !!!!

2004-09-27T15:03:00.001+01:00

Góðan og blessaðan daginn.

Mikið er maður nú súr stundum..
Var komin upp í rúm í gærkvöldi og var í góðu yfirlæti þegar fatta að ég hafði ekkert orðið vör við kisuna okkar í dágóða stund.
"Æ ætli hún sé nokkuð læst úti á svölum" ? Hugsaði ég með mér.
Mig minnti að ég hafði lokað glugganum sökum kulda fyrr um kvöldið.
Hún tekur nefninlega ægileg Matrix stökk af pallinum á neðri hæðinni og hleypur meðfram veggnum og upp á svalir hjá okkur, svo þarf hún náttúrulega að komast þaðan inn um gluggan hjá okkur.
Ég neyddist því til að kasta af mér sænginni og skakklappast fram í stofu til að opna gluggan.
Var eitthvað utan við mig (að vanda) og opna því gluggan og sting trýninu út til að kalla á hana...
Veit ekki alveg hvað ég var að spá því það næsta sem ég veit er að kattarræfillinn stekkur upp og beint framan í mig...
Mér brá svo ógeðslega... Minnti á Cujo eða eitthvað.
Minnti mig líka á þegar maður var ungur og vitlaus og var alltaf að bíða eftir að ristaða brauðið kæmi upp úr ristavélinni og stakk einmitt svona andlitinu alveg að og svo brá manni alltaf jafn mikið þegar blessað brauðið kom upp hehe.

Allt rólegt að frétta af manni annars.
Fórum aðeins upp í bústað á laugardaginn.
Keyptum vistir eins og við hefðum ætlað að vera þarn fram að jólum..
Höfðum ætlað að gista en svo ákváðum við að fara bara heim en "neyddumst" auðvitað að taka allan matinn með okkur heim þannig að það var legið í namminu alveg eins og padda um helgina :oÞ

Siggi og Familía voru að koma af flugvellinum og komu við hjá Mö og pa en stoppuðu ekki nógu lengi svo við misstum af þeim.
Á því enn eftir að hitta þau.. eins og ég er búin að hlakka til.
Á sunnudaginn fór ég í bæinn og keypti mér tvenna skó og fór svo með Önnu á kaffihús og í Ikea.
Var svo bara heimakær seinnipartinn en náði að plata Atla með mér í smá göngutúr um kvöldið !

Æðislegt um daginn.
Atli sagði mér frá að það væri kona á leiðinni til hans í vinnuna sem var að selja sokkabuxur.
Ég var búin að biðja hann að kaupa 60 den fyrir mig og þetta var eitthvað að vefjast fyrir honum.
Það liðu svo nokkrir dagar þangað til konuræfillinn kom loksins.
Þá var Atli greyið búin að vera að hringja og hringja í mig en náði ekki í mig.
Hann ætlaði að láta mig vita að hún átti bara 50 og 70 "dippz" hehehehe.
Stelpur þið fattið þetta hehe.
Mergjað.

Jæja take care snúlls.

Þóra til hamingju með að vera komin í fæðingarorlof á morgun :o)

Telma ef þú sérð þetta þá sendi ég samúðarkveðjur út af "félaga" þínum honum Einari Ágústi..
He did'n tell you, tell you, tell you once, tell you twice... about his addiction did he ???
Grey kallinn.
Later !

2004-09-22T13:37:00.000+01:00

Hæ.
Var að horfa á Popp Tíví á e-rn uppistandara.
Hann var ógeðslega mikill dúfus gaur eitthvað.
Hann sagðist hafa verið á metal tónleikum og söngvarinn í hljómsveitinni öskrað yfir salin "Are you human beings ?"
"Or are you animaaals ?!"
Minn hafði ekki fattað að þetta væri tvíþátta spurning og öskraði "yes I'm a human being!" áður en hann heyrði seinni spurninguna..
Ég gat ekki hætt að hlæja að þessari mygluðu sögu.. hehe
Fæ ég aftur kast og ég sem er í vinnunni hehe.
Óþægilegt.
Ég var nýkomin heim úr 2 og 1/2 tíma göngu með mömmu og var í eitthvað skrítnu skapi kannski..

Voða lítið að frétta af mér annars..
Við ætlum hugsanlega að fara upp í bústað um helgina og gista eina nótt þó að Siggi bróðir og familía séu að koma á klakan á laugardaginn.
Þau verða nú í e-jar tvær vikur þannig að maður ætti nú að ná að hitta á þau á þeim tíma.

I love the smell of fresh leminn !

Er á kafi í goðafræða lestri.. gaman að þessu...

Jæja Palli ég vona að "reksturinn" gangi vel ;o
(He's becoming a pimp...)

ýra "Da Vinci code" endar þannig að prófessorinn myrðir mjallhvíti og dvergana sjö með skeið!
Hehehahmoaahahhaaa.
Fenguð þið comments frá mér á heimasíðunni ??
Gaman.

jæja bið að heilsa ykkur í bili..

Anna farðu nú að læra og hættu þessu hangsi ;o)
Ciao Bellissimi genti e animale.

Burri "toes"

2004-09-15T16:25:00.000+01:00

Hvar er veskið mitt ?
Hvar er síminn minn ?
Hvar er Atli, Kisa, bíllinn blái' og íbúðin ?

(Lag: Ræningjasöngurinn úr Kardimommubænum)....Smá vangaveltur...

Fór á bókasafnið í gær og tók fullt af goðafræði bókum..
Hlakka til að lesa þær og fræðast meira um hinn forna sið.
Tók líka bók sem heitir "hin týndu ár í lífi Jesú" sem segir frá Dauðahafshandritunum sem fundust og gefa nýja sín á téðan Jésú..
Áhugavert eftir að hafa lesið Da Vinci code..

Jæja nenni ekki að skrifa meira.. þið eigið það ekki skilið komments letingjarnir ykkar... ;o(

;o)
Mjá.. segir Elvuskottið og hristir sig áður en hún stekkur af stað...

Hæbb

2004-09-14T15:15:00.000+01:00

Djöfull getiði verið "minniháttar"...
Getið ekkert í þessari mjög svo auðveldu kvikyndisgetraun minni.
Góðir punktar hafa þó komið sterkt inn í comments í síðasta bloggi.

Lítið að frétta af mér annars.
Fór að viðra Önnu í kringum Hvaleyrarvatn í gær..
Er að hugsa um að viðra allavega mig á eftir og kannski e-ja fleiri ef það er stemming.
Yndislegt veður nebbla.

Vorum bara heima um helgina.
Höfðum það notarlegt við skötuhjúin á föstudaginn, horfðum á "með allt á hreinu" (vísb. 3 ;o)
Ógeðslega skemmtileg alltaf..
Svo hringdi Anna og plataði mig með sér í bíó..
Sáum Dís... fannst hún bara frekar svona "naaa, nnnaaaa, naaeannnaaah... (sbr. Fóstbræður.. )
Við fórum svo á rúntinn og fengum okkur vesturbæjar ís.
Á laugardaginn hékk ég heima og las Da Vinci lykilinn.. ´
Geðveikt skemmtileg og spennandi.
Við horfðum svo á Annie um kvöldið og svo sofnaði ég yfir Spinal Tap sem er alltaf jafn mikil snilld.
Svona söngvamynda þema hjá okkur þessa helgina..
Á Sunnudaginn fór ég með mö í berjamó upp í Elífsdal.
Það var stór fínt.
Yndislegt að komast í sveitina.
Henni finnst ég enn eiga að tala við Síra Einar í Fríkirkjunni.. hehe.
Like um hvað á ég að tala við hann ?

Svona var það já.

Ég er algjör.
Fór í 10-11 áðan í hádeginu..
Okur búlla ..
Var að borga og missti veskið mitt á gólfið og allt hrundi úr því..
Týpísk ég bara...
Svo þegar ég var komin aftur upp í vinnu þá finn ég óvænt Piparpúka í veskinu.
Ég mundi ekkert eftir að hafa keypt slíkt undanfarið ..
Svo rann það upp fyrir mér að þetta hlýtur að hafa legið á gólfinu hjá þeim í búðinni..
Sem sagt stal þess óvart...
Svossum alltí lagi þar sem þeir eru svoddan þjófar sjálfir..
hehe.
jæja bið að heilsa ykkkur skjáturnar mínar.
Komment or die !!!
mja.

Nú er það blautt..

2004-09-10T13:36:00.000+01:00

Komiði sæl Komrades..

Eru allir andspyrnuhreyfingsmeðlimir hressir í dag ?
Það er nú gott.
Annað væri fásinna og meðvirkni.

Var að fá nýja tölvu hér í vinnunni...
Samsæris viðvörunarbjöllur klíngja í heilaberkinum og vara mig við yfirvofandi hættu vegna þessa en síðan hvenær hefur ofurskottið hlustað á þær ?
Ætli stóri bróðir sé að fylgjast með blogginu mínu ?
Get spurt hann (Sigga) þegar hann kemur til landsins í september lok hehehe.
(Er þetta of djúpt fyrir ykkur skrattakollar ???)

Kvikmyndagetraun dagsins:

Úr hvaða mynd er þetta og við hvaða tilefni er þetta sagt ??

"Æ góði bara farðuu !"

Sá sem verður fyrstur til að svara þessu fær verðlaun ... ;o)

"Mr Aragorn" (lesið með Matrix hreim ( sbr. Mr. Anderson ).
þetta vorum við Atli að djóka með uppá slysó um daginn þegar ég var búin að örkumla á mér puttana í "Lord of the rings" leiknum, ég var að leika Aragorn....

Ætlum að gerast útsendarar vestrænnar menningar í vígahug og slafra í okkur Austurlenskan mat við hádegisbil.
Það er svo YNDISLEGT FOKKINGS VEÐUR á þessu útjaðrar rokrassgati..

Jæja gangi ykkur vel í Kvikmyndagetrauninni..
Stay fresh.. (sagði presturinn við líkið .... Moahhahahha).
Ciao.. og góða helgi..

10 going on 29 !

2004-09-07T15:56:00.000+01:00

Góðan daginn.

Get ekki skrifað mikið í dag sökum slyss sem ég varð fyrir á sunnudaginn.
Er ógeðslega lengi að skrifa vegna þess að tveir puttar eru nú plástraðir saman og get ég því ekki notað fingrasetninguna áreynslulaust.

Á sunnudaginn hringdi Anna systir nefninlega og bauð mér að fara á rúntinn með henni og Guðmundi Birki frænda (10 ára)..
Við brunuðum upp í hesthús hjá Setberginu og lögðum bílnum og löbbuðum yfir í Skógræktina.
Ákváðum að fara í "Lord of the rings" leik og ég var Aragorn..
Var næstum búið að líða yfir mig af hlaupum þegar við komum í trjálund þar sem búið var að hengja reipi í trjágrein.
Guðmundur byrjaði að sveifla sér og svo fór Anna.
Ég fattaði það svo að ég er EKKI 10 ára og örugglega svona 15 kílóum þyngri en Anna.
Því þegar ég var komin á reipið þá var ég ekki alveg búin að skipuleggja þetta nógu vel því hugurinn sagði mér að sleppa en puttarnir héldu sem fastast...
Með þeim afleiðingum að óhugnarlegt brak brast frá puttunum á mér og það var nærri liðið yfir mig af sársauka þegar ég loks lenti á jörðinni.
Ég vonaði svona inni í mér að brakið hefði komið frá greininni eða reipinu en það varð nokkuð ljóst að það hafði komið frá puttunum á mér.

Guðmundur og Anna hlupu svo um allt með mig í eftir dragi til að leita af töfralækni en á endanum heimtaði ég að farið yrði með mig heim.
ég var svo heima í nokkra tíma en var alveg hætt að litast á blikuna þegar allt var orðið stökk bólgið og píndi því Atla með mér upp á slysó.

Þar var frekar vandræðalegt því maður þarf að útlista svo rækilega hvað maður var að gera.
"já varst þú í reipitogi ?"
Ekki alveg .. ég var í Lord of the rings leik ..
Er maður glataður ???

Allavega kom í ljós að ég var ekki brotin eins og ég hélt heldur tognuð í tveim liðum á sitt hvorri löngutöng.
Var samt alveg að drepast í puttunum og var bara heima í gær til að hvíla puttana.

Já þetta var semsagt hetjusagan af mér um helgina.

Fór annars þarna með vinnunni í túristaferð um suðurnesin á föstudaginn.
það var rosa gaman og það var mikið sungið.
Á laugardaginn var ég svo bara heima að slappa af en svo fórum við í heimsókn til Telmu og Gunna um kvöldið.
Þóra hafði verið í mat hjá Telmu á meðan Gunni var að spila í Hárinu.
Það var rosa fínt að spjalla því við höfum ekki hist lengi.

Svo er ég að mestu búin að segja frá óförum mínum á sunnudeginum.

Fór reyndar með Ellu systur og Mömmu á frænku kvöld á Hótel Borg.
það var planað fyrir ári síðan að allar dætur og frænkur Ömmu (mömmu hans pabba) ætla að hittast á afmælisdegi ömmu.
Við vorum reyndar bara 6 sem mættum en það er kannski bara vegna þess að það er ekki almennilega vitað hvenær amma átti afmæli hehe.

Jæja bið að heilsa ykkur að sinni.
Hafið það gott og farið varlega í umferðinni :o)
mjá.

Snjór !

2004-09-02T15:41:00.000+01:00

Halló.
Getur maður beðið eftir sjónum ??
Neeeei .. það verður svo gaman..
Festa bílinn, renna á svelli og henda snjóboltum í ketti hehe.

Bara að djóka :o)
Nú er að fara að koma að móralsferðinni hjá okkur í Bókhaldinu.
Við ætlum að fara eftir hádegið á morgun (föstudag) á Suðurnesjin.. skoða merka staði, elda saman góðan mat og fara svo í leiki og syngja með gítarundirspili..
Verður örugglega rosa gaman.
Ég er allavega farin að hlakka til.

Sáu e-jir kynlífs mistaka þáttinn í gær á Stöð 2 ?
Ógeðslega fyndinn..
Sérstaklega parið sem ákvað að fara í Batman og Robin búningana sína.
Konan var handjárnuð við rúmið og svo skreið kallinn á sínum spóaleggjum upp á skáp.
Svo gerði hann sig líklegan til að stökkva ofan á hana í rúmið.
Það vildi ekki betur til en svo að hann stökk beint á gólfið (sem betur fer segi ég nú bara hennar vegna) en hann rotaðist.
Leiðinlegt fyrir konuna .. gaurinn rotaður og hún handjárnuð við rúmið ehehhahahhahaa.
Ótrúlega fyndið.

Jæja bið að heilsa ykkur for now.
Skrifið mér nú línu elskurnar.. :o)

p.s fékk Before sunrise á bókasafninu .. það er alltaf hægt að treysta á blessað bókasafnið.. ætla að horfa í kvöld..
Hún er svo æðisleg.
langar aftur á hina myndina í bíó.
Bless.

2004-09-01T00:05:00.000+01:00

Beuuurifuul ! Fagur Eyjafjörðurinnn...

2004-09-01T00:03:00.000+01:00

Er þetta nokkuð "Þú og ég" Dúettinn ? Líkist allavega ískyggilega Jóhanni Helgasyni hehe.. en þetta er Anna Mjöll sko :o)

2004-09-01T00:01:00.000+01:00

Anna og Agnes búsældarlegar á Grenjunarstöðum..

2004-08-31T23:59:00.000+01:00

Eitraður Zoolander svipur...

2004-08-31T23:58:00.000+01:00

Fhyrir fhramann Bauthann ! Freyja, Anna, Agnes, Jesse og Olga

2004-08-31T23:57:00.000+01:00

Jón Gnarr svipurinn minn...

2004-08-31T23:55:00.000+01:00

Fallegi grasagarðurinn á Akureyri... minnir á Lothlorien...

2004-08-31T23:33:00.000+01:00

Hæ hæ.
Var að koma úr bíó þar sem ég horfði á Before sunset (sem er framhald af mynd frá 1995 og hét Before sunrise).
Hún var æðisleg.. mæli með henni fyrir fólk sem fílar öðruvísi myndir og rómó..

Annars er helst af manni að frétta að við systurnar skruppum on a mini-break til Akureyrar og Húsavíkur.

Fórum með flugi á laugardaginn og vorum lentar um hálf fjögur.
Hittum Olgu (sem var með Önnu Mjöll í Róm þarna um árið) og Agnesi vinkonu hennar og Jesse kærasta Agnesar.
Það var menningarhátíð á Akureyri þannig að við nýttum daginn í að rölta um og skoða söfn og búðir.. fórum á kaffihús og annað notarlegt.

Sáum Georg Guðna sýningu.. sem mér fannst hálfgert svindl af því að Viggo Mortensen var ekki á svæðinu.. ég hélt að hann væri svo mikill aðdáandi.. ;o(
Við fórum í fornbókaverslun þarna og kallinn sem átti búðina var svo vínleginn að unun var á að horfa.. með eldrautt nef og útsprúngnar háræðar...
Hann varð voða æstur að sjá okkur koma inn og benti á stærðar bunka af Ísfólksbókum og Rauðu seríuna
"Fullt af spennandi bókum hér !"
Kannski ekki alveg það sem manni dettur í hug þegar maður fer inn í fornbókaverslun...hehe

Það vakti mikla kátínu hjá meðferðafólki mínu þegar ég vatt mér að manninum til að spyrja hvað eitt ritsafn kostaði..
Þá byrjaði hann að tala við mig á bjagaðri ensku..
"very expencive"
"I can prútt"
Ég var alveg viss um að hann hlyti að vera Færeyingur... eða eitthvað..
Var ekki alveg að skila þetta episode.
En nei það var kallinn sem hélt að ég væri útlensk af því að ég talaði Sunnlensku !
Weired people...

Við huguðum okkur svo til Húsavíkur um kvöldið því við áttum pantað borð á gamaldags veitingastað í hjarta Húsavíkur sem heitir "Gamli Baukur"
Þar fengum við geðveika humarhala og það himneskasta nautakjöt sem ég hef smakkað fyrir utan það sem Atli eldar auðvitað.
Mæli eindregið með þessum stað fyrir alla sem koma til Húsavíkur.

Anna komst í svaka stuð og umbreyttist allt í einu í Vampyyyyr með klærnar sínar í allar áttir.
(Hún á það til að verða klórin og hættuleg með víni... )
Dró mig með sér afsíðis og fór að segja mér frá draumi sem hana dreymdi.
Þar sem hún var að leika í e-rri sýningu og varð að syngja.
Svo fór hún að spyrja hvort hún mætti syngja í brúðkaupinu okkar Atla...
Frumsamið lag...
(Væmið háfleygt lag með eftirfarandi einkar "frumlegum" texta sem hljómar svo:

"Fjöllin hafa vakað í þúsund ár"..

Ég var alveg að hamast við að reyna að koma henni í skilning um að þetta væri nú ekki svo ýkja frumlegt en það komst ekkert inn í hausinn á henni frekar en annað þetta kvöld...
Það var svo gaman af henni þar sem hún var að tala ensku (Jesse kærasti Agnesar er Amerískur þannig að við töluðum mikið saman á ensku)..
Eftir nokkur glös fóru allar setningar að enda á orðunum "bla bla bla" hehe sem var ótrúlega fyndið..

Daginn eftir fórum við í sund á stað rétt hjá Ídölum og fengum okkur svo Hreindýrasamloku sem er víðfræg á þessum stað...
Það var mjög gott.
Keyrðum svo um sveitina, skoðuðum virkjun og Grenjunarstaði (gamall torfbær og kirkja sem heitir þessu upplífgandi nafni :o)

Við vorum svo listaðar á flug klukkan níu en komumst ekki með.
Sem var bara mjög gott því Freyja (vinkona Önnu sem býr á Akureyri) sótti okkur og fór með okkur á rúntin.
Fengum okkkur Brynju ís og skoðuðum hús..
Ég sá glitta í draumahúsið mitt í einni götunni og ákvað hljóðlega með sjálfri mér að þetta hús myndi ég kaupa mér ef ég ætti það eftir að flytja til Akureyrar..
Sá svo allt í einu styttu af Nonna gamla..
Þetta var þá bara hið víðfræga Nonna hús...
Kannski ekki alveg á markaðnum at the mo hehe.
Me and Nonni.. we're like this...

Sem sagt skemmtileg og viðburðarík helgi hjá okkur systrum.

Við Atli vorum ógeðslega löt í gær og hengum bara fyrir framan sjónvarpið og horfðum á mynd sem heitir "The girl next door".Hún var bara skemmtileg fannst mér..
Svona unglinga mynd en góð.

Jæja ætla að henda inn nokkrum myndum frá helginni.
(Sjá fyrir ofan :o)

Ykkur finnst svo gaman að sjá myndir er það ekki ?
Bið að heilsa í bili folkens.
Ciao for now :o)

2004-08-25T23:02:00.000+01:00

Þetta var tekið á katta-froska deginum í síðustu viku..... Tek ég mig ekki vel út ?

2004-08-25T22:30:00.000+01:00

Bókhaldið... Sara,Ingibjörg,Stefanía,Sigga,Stefán "sykur" Elva, Björg...

2004-08-25T22:29:00.000+01:00

Svona var maður sætur á Bleika deginum í vinnunni

Billi Barnungi In Da House

2004-08-24T14:17:00.000+01:00

Bill Clinton bara í beinni fyrir utan gluggan hjá okkur í bókhaldinu í morgun.
Sá kvikindið ... í bláu gallabuxunum og Háskólabolnum..
Reffilegur karlinn.
Við allar ljóshærðar þannig að við vissum að við fengjum nú litla athygli frá honum :o)
Sumir fengu að skoða þessa líka rosalegu þotu sem hann kom með.
Er víst í eign vinar hans sem skutlaði honum bara svona í ganni hingað hehe.
Kostar örugglega e-jar 7 milljarða ein svona þota.

...Svaf vel með nýju sængina mína sem ég keypti mér í gær.
Gott mál.

Eigið ekki skilið meira "bögg" (Blogg) að sinni fyrr en ég fæ viðbrögð :0.
(ein voða sár...).
Sjáumst !

Knawing, hacking, breaking, burning.

2004-08-23T14:17:00.000+01:00

Góðan daginn, glaðan haginn.

Jæja hvernig var á menninganóttinni hjá ykkur ?

Það var gaman hjá mér.... uppi í Hvalfirði as usual.

Fórum ásamt tengdó og Dódó í menningareisu í Ferstiklu að kaupa ís og svo komum við við í gömlu Hvalstöðinni og skoðuðum hana í návígi.
Rosa stórt og mikið apparat og maður rifjaði upp þegar pabbi fór með mann að sjá þegar verið var að verka hval.... ógeðsleg fýla..

Um kvöldið tókum við því bara rólega og gláptum upp í loftið af því að allir máfar Hvalfjarðar voru greinilega á leið í borgina til að skíta á menningarvitana.. hehe.
Örugglega einir 200 máfar sem flugu framhjá á nokkrum klukkutímum.
Rosalega spes.. hef aldrei áður séð svona þarna..

Kveiktum upp í útiarninum og allt voða rómó.
Ég ætlaði að vera rosa dugleg að höggva eldivið.
Búin að væla í Atla að fá að höggva.
Hann þekkir mig betur en ég greinilega því það fór ekki betur en svo að ég hjó af öllu afli í fótinn á mér.
Ááátss.. ekki mjög gott.
Var að leika Gimli í LOTR þannig að það var ekkert haldið aftur af sér.
Munaði "millilíter" að þetta færi í sköflunginn..
Fór sem betur fer í fitulagið þar við hliðina þannig að ég var fljót að jafna mig.
Samt hver annar færi að höggva í löppina á sér á góðviðrisdegi ??
Minnir á íslendinga sögurnar, nema ég væri ekki Gunnar á Hlíðarenda...
Ég væri Ingjaldsfíflið. hehe.

Hringdi í pabba en Palli svaraði..
Þeir voru nú ekkert nálægt hvorum öðrum nema bara í símanum hjá mér...
Ég lá alveg í kasti því Palli var alveg raddlaus..
Sá fyrir mér að hann hafi sungið svona mikið nóttina áður eða kvefast..
En nei... hann talaði bara svo mikið að hann missti röddina.
Þá þarf maður nú að tala ansi mikið.. hehe.
Snúlli.

Við komum svo heim úr bústaðnum á Sunnudeginum um 3 leitið..
Ég alveg komin á kaf í Arnalds Indriðasonar sakamál.
Er að lesa Mýrina.. hörku spennandi.
Hélt því allavega áfram þegar heim var komið og svo horfðum við Atli á tvær myndir.
13 going on 30 og Doosball með Ben Stiller.
Ógeðslega fyndin, eins og (nánast) allt sem kemur frá honum.
(Varð fyrir vonbrigðum með Envy).

Thelma kom svo í heimsókn um kvöldið og við löbbuðum til mö og pa því að pabbi hafði verið að gera við bílinn....
Muniði, hann dó fyrir utan Kringluna á fimmtudaginn var.... :o(
(Bíllinn sko.. ekki pabbi :O)
Hann er snillingur kallinn.
Getur allt !

Jæja bið að heilsa ykkur í bili.

Gaman að heyra í þér Ýra.
Var í eiturbleiku og baby bleiku..
Svona devil with angel wings :o)
Krem mynd inn í kvöld.. rosa sæt.

Sjáumt háir sem lágir !!!

Þó að maður sjái nú örugglega þá fyrr nefndu betur.. hehe

Bleikur dagur í bókhaldi FÍ

2004-08-20T10:55:00.000+01:00

Heil og sæl.
Nú er það bleikt..
Við erum öll hérna í bleikum fötum og ég er í ógeðslega flottum eiturbleikum támjóum skóm sem Anna var svo góð að lána mér.
Svo er ég í bleikum bol og með bleika spöng með bleiku fiðrildi og með bleika vængi á bakinu.
Haldiði að maður sé ekki flottur :o)

Car trouble.
Mín fór í Kringluna í gær, einmitt til að kaupa bleiku spöngina og vængina, þegar mér til mikils ama þá fór bíllinn bara allt í einu ekki í gang.
Pabbi kom og hitti okkur eftir vinnu og kíkti á hann...
Pabbi er svo mikill snillingur.
Hann er með bílinn hjá sér til viðgerðar...
Vildi að ég hefði svona 5% af hans verkviti..
Þá væri maður í góðm málum.

Nú er verið að undirbúa kaffi fyrir okkur því sumarfólkið er að hætta...
Gaman gaman... ég er svo mikið fyrir þetta Jömmí Slömmí...
Jæja óska ykkur gleðilegrar menningarnætur á morgun.
Við stefnum á að fara í bústaðinn þar sem verður líklega mannmargt eins og síðast.
Gaman af því.
Við sjáumst :O)
Bleikar kveðjur úr bókhaldinu !!!

Millilítrar.. metrar, kílómetrar.. hver er munurinn ?

2004-08-18T09:52:00.000+01:00

Hæ hæ.
Sé að vatnsfóturinn minn hefur vakið athygli hehe.
Við erum mikið búin að hlæja að þessu.
það sem er samt fyndnara við þetta er að þegar ég kom úr greiningunni þá hringdi ég í Atla til að láta hann vita og þá sagði ég "Önnur löppin er alveg tæpum meter lægri en hinn.... "
Atli var alveg "Ö nei Elva það getur ekki verið..."
Ég (vön smámunaseminni í kallinum... ) sagði hálf pirruð... "Jú þetta munar alveg frekar miklu!"
Hann kom mér svo í skilning um hvað ég væri að segja...
Það var því ennþá fyndnara þegar ég setti svo óvart millilítrana hérna inn hehe.
Aldrei verið sérlega sleip í þessum mæli einingum.. Athyglisbresturinn..
Nú þorir enginn að smakka kökurnar hjá mér í næsta afmæli hehe.
(Alltaf gaman að segja svona ljósku sögur af sjálfum sér... svo hlær maður að Jessicu Simpson)

Við Anna fórum í göngu í gær og kíktum til Gramma and Grammpa (Gríma og Grímhildur eins og þau töldu sig vera kölluð þegar við vorum í Þýskalandi saman fyrir mörgum árum og þau voru að lesa ferðadagbókina okkar Önnu, höfðum semsagt skrifað "grampa and gramma" vakti miskilning)
Gaman að segja frá því að við Atli hittumst einmitt í þessari ferð.. (það vita það nú allir er það ekki ?)
Gömul saga..
Jæja það var allavega gaman í göngunni..
Vorum búin að vera að horfa á WB's superstar USA sem eru IDOL þættir með þeim twist að allir lélegustu söngvararnir fá að halda áfram en þeim góðu er hent út...
Lélegu söngvararnir halda svo að þau séu geðveikt góð og svo kemur í ljós í síðasta þættinum að það er bara búið að vera að ljúga að þeim..
Frekar nastí en ógeðslega fyndið hehe.
Æðisleg sú sem vann ... hún hélt svo innilega að hún væri bara næsta Britney Spears en hún söngurinn minnti helst á Bridget Jones í Karókí partý-inu... (I caaant liiive... if liiiving iiss withoouout yououou).

Fritz Von Dunkelstein og Ira ! þið þyrftuð að setja svona comments kerfi inná heimasíðuna ykkar ! (ef það er hægt ... )
Frábær síða.. og alltaf gaman að skoða.. líka svo flottar myndir.

Bið að heilsa ykkur öllum í bili...
Vona að Palli finni e-rn til að fara með sér á Hauka-Njarðvík fótboltaleikinn.. (the things you do for love... the things you do for love... like walking in the rain and snow when there's nowhere to go... but to a football game... )

Blessó.. :o)

Myndir frá helginni...

2004-08-16T22:00:00.000+01:00

Myndir segja meira en mörg orð...

Daníel að leika sér í sólinni..

2004-08-16T21:59:00.001+01:00

Hvað er Gústi að malla ? Er hann að galdra eitthvað ???

2004-08-16T21:59:00.000+01:00

Þóra og stelpan í mallanum... og Sigurlaug vinkona hennar... (þóru sko..)

2004-08-16T21:56:00.000+01:00

Vinningslið í Leonardo og Co á laugardagskvöldinu... Atli, GB og Kiddi.

2004-08-16T21:51:00.001+01:00

Flábært veður.. eins og alltaf í Hvalfirðinum.. Ég og Íris.

2004-08-16T21:51:00.000+01:00

Berta Mjöll Gunnarsdóttir.. Rauðsokka ?

2004-08-16T21:49:00.001+01:00

Spegilssléttur fjörðurinn...

2004-08-16T21:49:00.000+01:00

Bústaðlingurinn hans pabba í Eilífsdal

2004-08-16T21:39:00.000+01:00

Daníel að fræða afa sinn og Atla um sögu Hvalfjarðar...

2004-08-16T21:31:00.000+01:00

Atli fór í fjársjóðsleit undir bústaðinn..

2004-08-16T21:27:00.000+01:00

Gapandi .. var hann orðin svona svangur greyið..

Skrömsjös

2004-08-16T13:54:00.000+01:00

Halló.
Það liggur við að maður nenni ekki að skrifa því maður verður alltaf fyrir geðveikum vonbrigðum þegar maður fer inn á síðuna sína..
Skrollar niður á COMMENTS takkan og hvað sér maður ??? 0 comments !!!
Leiðó...
En ég læt það samt ekkert aftra mér sko.. væri bara skemmtilegt samt að heyra í ykkur ;o)
Var uppfrá í Hvalfirði um helgina.. fullt af fólki og svaka stuð.
Gummi Biggi frændi (Ellu sonur) kom í heimsókn bæði á laugardaginn og sunnudaginn hann er svo fyndinn.
Ég var að keyra hann heim um daginn og við sáum e-rn kall standa og glápa út í loftið þannig að ég segi svona í djóki "Á hvað ertu að glápa karl andskoti ?"
Með svona uppgerðar æsingi.. hehe.
Þá heyrist í Guðmundi "Afhverju talarðu svona um ókunnugt fólk ?"
Ég varð alveg eins og kleina.
Svo í gær þá var hann að horfa á Lord of The Rings hjá okkur uppi í bústað.
Daníel Frændi hans Atla var yfir honum og svo spyr litli "Af hverju er konan að syngja ?"
Þá segir Guðmundur "Hva má hún það ekki.. þetta er frjálst land!".
Okkur fannst þetta ansi skondið.

Ég fór í göngumælingu hjá Össuri (vakti töluverðan misskilning hjá Önnu Mjöll sem var farin að halda að Össu Skarphéðinsson og Magnús Skarphéðinsson bróðir hans væru í þessu svona með Alþingis og geimveru störfum hehe).
Kom í ljós að hægri fóturinn er flækjufótur því hann er 8 ml lægri en vinstri.
Kannski þetta sé ástæðan fyrir því að ég er alltaf dettandi í tíma og ótíma.
Það verður því kannski ekkert gaman af mér þegar ég verð búin að fá mér þessi innlegg.
Hætti að detta og reka mig á.
Vonandi hehe.
Jæja gott fólk.. það væri nú gaman að heyra í ykkur óhljóðin :o)
Ciao for now... (ógeðslega mikið að gera í vinnunni)...
Bless.

Tvíhöfði 1000 í þúsund skipti !

2004-08-13T10:34:00.000+01:00

Má eiginlega ekkert vera að því að skrifa ... ætla að hætta um hádegið að vanda á föstudegi.
VERÐ bara að deila því með ykkur að ég gerði mér lítið fyrir í morgun og kom mér fyrir á Austurvelli til að sjá Tvíhöfðann minn í sjónvarpsviðtali..
(Myndin er reyndar bara af Sigurjóni og Dr. Gunna en hún er skemmtileg hehe)
það var heldur súrealískt og skemmtilegt að sjá þá live og hlusta svo á hvað þeir voru að segja í útvarpinu.
Mætti því aðeins seinna í vinnuna af þessum sökum.
Ætla því að vera dugleg og bið að heilsa ykkur þar til á mánudaginn kemur.. :o)
Bústaður um helgina sko...
Góða helgi !!!!

Guðni Ágústsson.. Landbúnaðarhnoðri...

2004-08-12T10:34:00.000+01:00

Er fólk að grínast ????
Hafið þið kíkt í bæinn nýlega ?
Annað hvort er fólk komið með virkilega sækó húmor eða æska landsins er öll orðin þroskaheft !!!
Hafið þið séð tískuna sem er að tröllríða öllu um þessar mundir ?
80´s coming back with a vengence !!!
Ég fæ bara martraðir við að hugsa um trúðasólgleraugun sem hylja gjörsamlega andlitið með stærð sinni.. mittisjakkana og HERÐAPÚÐANA !!! svo ekki sé minnst á eitt í þessu !
Fólk virðist vera hætt að mála sig ! Hvað er það ??
Ágætt reyndar að vera sætasta manneskjan á svæðinu í svona 5 mínútur en COMMON PEOPLE !!

(Ein orðin gömul og elliær með gular tær)..

Að öðru...
Við systurnar og þríburinn okkar hún Thelma...
Fórum út að borða í tilefni þess að letidýrið á afmæli á föstudaginn kemur.
Fórum á Enricos eða hvað sem þetta nú heitir (þar sem Kaupfélagið var).
Maturinn var nú ekkert til að hrópa húrra fyrir, svona bónus matur e-ð.
Það kom svona "hvað er það versta sem gæti komið fyrir mann" móment (eins og var í So I married an axe murderer)
Maður var nýbúin að fá réttinn sinn þegar maður heyrir í þjónustustúlku segja ..
"Varstu ekki búin að henda þessu sem var ónýtt ?"
Maður horfir á matinn sinn og íhugar.. "fékk ég kannski síðustu slykjuna af þessu sem er ónýt ?"
Var ekki alveg að fíla þegar ég pantaði Créme brulé og þeir gleymdu að Brúlé-a crém-ið..
Hrár vanillubúðingur með ís... yömmí .. (Barði í Bang Gang) (:o(
Mæli sem sagt ekki mikið með þessum stað nema ef fólk ætlar sér bara að fá sér bjór.

Fannst ég sjá goðið mitt þarna á staðnum....
Guðni Fokkinz Ágústsson !!! Snilldarkall og húmoristi..
Sá svo þegar betur var að gáð að þetta var ekki hann heldur Jóhannes eftirherma..
Greinilega klár eftirherma þar sem maður sér bara karakterana en ekki leikaran sjálfan.
Gaman af því.

Ætlum upp í bústað um helgina.. allir orðnir spenntir að sjá herbergið sem við vorum að klára um síðustu helgi..
Tengdaforeldrakjötið og systurnar ætla að mæta og kannski fleiri góðir.
Við sjáumst og hafið það gott í súlen !
Mjááaáá.

Too damn hot !

2004-08-11T15:57:00.001+01:00

Hæ hó.
Þetta er nú meiri hitinn...
Það eru 28 gráður hérna inni í bókhaldi...

Hvar er bjórinn minn ? Hvar er kokteillinn ?
Hvar er sólvarnarbrúsi, blævangur og hatturinn ?

Við Anna fórum í borgarferð í gær..
Rosalega huggulegt, röltum niður Laugarveginn og fengum okkur Kebab og Tuborg guld og settumst með hinum miðbæjarrottunum á Austurvöll.
Löbbuðum svo um borgina og Anna var með myndavélina á lofti að taka myndir af ólíklegustu hlutum.. hún er svo arty..
Ég gerði nú mest lítið annað en að vera viljandi og óviljandi fyrirsæta á þessum myndum hennar.. hehe.
Gaman að stríða henni.. moohahahhaaa.
Nú er Palli búin að fá afhenda íbúðina sína.. til lukku Paul McKenzie..

Það var svaka melowdrama í gangi í vinnunni..
Rosa rifrildi á milli tveggja einstaklinga...
Bara stuð og fjör for once...

It's too damn hot... og þannig ætla ég að enda þetta að sinni.
Það væri nú rosa gaman að fá smá comment svona í sólinni :o)
Bara svona til að vita að einhverjum þyki vænt um skottið sitt :o)
Dilli dó.

Aragorn ... Ha ! Hvar ?? !!

2004-08-10T14:48:00.000+01:00

Helló helló helló..
Jú heyrðu þarna er hann hehe (Aragorn sko... ) --->
Eruð þið bara hress ??
Þetta varð nú aðeins lengri helgi en hún átti að vera.
Við tókum okkur nefninlega sumarfrí í gær (mánudag)
Ég var nottla búin svo snemma á föstudaginn.
Fór til tannsa sem lét mig borga 5000 kall fyrir að segja mér að það væri allt í key með tennurnar mínar... Wonderful !!! :oE
Við kallinn (Atli) hittum hinn kallinn (pabba) í Músasmiðjunni.
Keyptum panel og dót í bústaðinn og pabbi var svo voða góður og skutlaði efninu upp í bústað fyrir okkur á sínum fjalla bíl.
Við vorum komin í sveitina svona um hálf tvö leytið og pabbi sem ætlaði aðeins að hjálpa okkur að koma okkur af stað yfirgaf ekki svæðið fyrr en kl: Ellefu um kvöldið... þegar efnið var búið.
Hann er ofvirkur og hefur greinilega ekki treyst okkur klaufunum eitt spor.
Mér fannst alveg dýrðlegt að sjá hvað við feðginin erum lík.
Myndum bæði týna hausnum á okkur ef hann væri ekki skrúfaður fastur og svo eru lætin í okkur svo mikil að hættulegt er að vera nálægt.. öllu rumpað af á hörkunni.
Við áttum svo bara eitthvað smotterí eftir og mér fannst nú ekki hægt að bíða með að flytja inn í okkar fína herbergi þannig að ég dobblaði pa að koma aftur með meira efni og verkið var klárað á laugardeginum.
Leyfðum honum ekki að koma nálægt herberginu og rákum hann í burtu svo hann færi nú ekki að tapa sér í gleðinni aftur og klára að panelleggja og smíða pall fyrir utan og setja heitan pott.
það var svo bara grillað nautakjöt um kvöldið þegar við vorum búin að klára herbergið og búin að flytja.
Svo var bara legið í afslöppun á sunnudeginum en þegar við vorum búin að ákveða að vera auka nótt þá skutlaðist ég inn í Mosfellsbæ að kaupa meiri vistir.
Geðveikt að rúnta með mússíkina á fullu og syngja með.
Ég var svo rosa dugleg að skrifa söguna mína á meðan Atli dúllaði sér við að lesa Ísfólkið.
Tók með mér nokkrar bækur til að hafa uppfrá..
maður getur alltaf gripið í þær ef manni leiðist.

Kisa fór með okkur uppeftir og það gekk ágætlega.
Við Atli lágum á Sunnudeginum úti á palli þegar við heyrum allt í einu e-r rosa læti og tíst.
Ég stekk á 110 yfir runna og tré til að gá hvað sé í gangi.
Kem að kvikyndinu horfandi á mig með undrunarsvip með kjaftinn fullan af fiðri..
Meira dýrið..
Við veltumst svo um alla lóð, ég að reyna að handsama köttinn og hún að handsama fuglinn..
Vantaði bara að Atli væri að eltast við mig.
Minnti á Tomma og Jenna þátt.
Ég náði henni loxins og hún var sett í stofu fangelsi.
Greyið bara með eðlið í lagi.

Já Ýra bara að fara að gifta sig á næsta ári !
Gaman af því.
Til lukku.

p.s Dódó fugl er gælunafn á Þóru systur hans Atla....
Bara svona til að hafa það á hreinu...
Hvaða fugl er það sem er svo rosalega klaufskur ?
Mannst þú það Thelma ?

Jæja nú er nóg komið af skrafi..
Bloggið er alltaf í svona dagbókarstíl eftir helgarnar..
Bið að heilsa ykkur snúllurnar mínar.

Mjá heyrist í Elvuskottinu þar sem hún liggur í leðurgallanum sínum að eltast við skottið sitt og slafrar í sig Villikattar súkklaðiiii...

Skápalessan

2004-08-06T10:45:00.000+01:00

Hæ guys.
Ég held að ég hafi ekki alveg verið í lagi í gær.
Við í bókhaldinu fórum á fund og ég var aðeins sein inn af því að ég var að ná mér í kakó.
Hljóp svo inn í fundarherbergi en það var allt slökkt.
Ég stóð nefninlega í kústaskápnum... (sem er hurðin við hliðina á fundarherberginu.. hehe).
Svo seinna um dagin þá ætlaði ég að fara á klósettið og lenti aftur inni í kústaskáp.
Ætli það sé verið að reyna að segja mér að ég eigi heima í "skápnum" ?
Hver veit hehe.
Nú er bara korter eftir af vinnutíma mínum í dag.
Fer heim klukkan 10 !
Reyndar ekki heim því ég er að fara til tannsa.. vúbbííí ! (með Barða í Bang Gang æsingi.)
Fyndið ég á svona handklæði úr IKEA sem eru alveg eins og litirnir í blogginu mínu hér hehe.
Jæja verð að fara ... Búhú..
Góða helgi

Hello Poppets

2004-08-05T16:15:00.000+01:00

Ciao miao.
Vá það er svo mikið að gera í vinnunni að maður nær varla andanum.
En það er gott.. þetta "að geta andað" er svo overrated anyway.
Oh hún Sara vinkona mín í vinnunni er komin aftur til starfa eftir sumarfrí.
Er bara búin að vera þokkalega róleg og afslöppuð greyið.
I'll be sure to tell you strax og hún fer að fara á kostum.
Við Atli ætlum að vinna lítið eða ekki neitt (ég lítið og hann ekki neitt) á morgun.
Ég mæti klukkan sjö !!! (strax orðin andvaka af stressi yfir að þurfa að vakna svona snemma.. )
Fer svo til tannsa gamla klukkan 10:30 þannig að þetta verða e-r 3 stuttir tímar hjá mér í vinnu á morgun.
Atli ætlar að taka sér sumarfrí á morgun.
Kisa kemur svo með oss í bústaðinn..
Geðveikt stuð.
Ekki láta ykkur bregða ef ég blogga svo ekkert í næstu viku vegna þunglyndis af að hafa týnt kettinum...
Bjartsýýýýn hehe.
Ef e-r er í stuði fyrir göngutúr anytime anywhere þá endilega látið mig vita :)
Sjáumst.
p.s Comment or die !!! (Minni á garðyrkjumanninn minnn.... þessi með ljáinn ... hann er drepleiðinlegur hehe).
P.s.s.s sáuð þið That 70's show í gær ?
Fez er æði !
Bæjó.

Ai wee scotsman

2004-08-04T16:18:00.000+01:00

Hæ aftur... (maður þarf að tjá sig : )

Það er ekki alltaf tekið út með sældinni að vera kúnni og þurfa að tala við mig í síman.
(Ég get verið ansi grimm ef kúnnar eru að pirra mig eins og sumir geta vottað fyrir sem heimsóttu mig í bakaríið forðum daga).
það eru þó nokkrar leiðir til að mýkja mig upp.
Til dæmis er mjög hentugt ef þú ert að Austan og bölvar og ragnar með hálfgerðri flámælsku... segir seytján og kvikyndi og svona...
Bráðna alveg og vill allt fyrir þessa frændur mína gera (ma og pa eru að Eystan)...
Svo geturðu einnig gert eins og þessi sem var að hringja áðan...
Talað með svo þykkum skoskum hreim að maður skilur þig varla.
Ég var bljúg eins hundur sem leggst á bakið og lætur klóra sér á maganum....
Sérstaklega kemur ekki að sök þar sem gaurin hjómaði alveg eins og Pippinn í LOTR..
Jæja varð að koma þessu áleiðis...
Siggi bró á afmæli í dag ...
Það er klassísk setning sem kom upp úr honum þegar hann varð 20 ára þarna í árdaga.
"Nú er ekkert nema svartnættið framundan".
Svo var ég að senda honum afmæliskveðju áðan og þá kemur annar klassíker.
"Enn einn naglinn í kistuna"... heheh.
Hann er hílaríuz þessi gaur.

Sjáumst og sendið nú endilega á mig kveðju.
Ef þú ert að lesa Hrafnhildur þá langar mig að nota tækifærið og hæla þessari flottu heimasíðu ykkar fjölskyldunnar... flottar myndir !

See ya all wee bit later lasses and laddies.

Kyrrþey.... ussss.

2004-08-04T14:09:00.000+01:00

Skondið þetta líf..
Finnst ykkur það ekki ?
Ný komið sumar og þá er það að verða búið.
En það kemur nú annað sumar eftir þetta svossum.
Tók út heimsóknarpakka í gær þar sem við Atli fórum að skoða nýju íbúðina sem Telma (litla systir hans Atla) og Gúnnar voru að flytja í um helgina.
Þetta er svakalega flott hjá þeim og óska ég þeim innilega til hamingju með slottið og flutninginn :o)
Kíktum svo upp á efri hæðina þar sem Hildur (sem er að vinna með mér) var einnig að fá afhent.
Rosa fyndið að sjá hvað svona alveg eins íbúðir eru samt ólíkar... Rosa huggulegt hjá þeim líka.
Við enduðum svo heimsóknartíman á að kíkja á Þóru (minnstu systir hans Atla).
Reyndum eins og við gátum að höfða til nautakjöts og súkkulaði köku fíknar Ishmaels til að reyna að lokka hann til að hjálpa okkur að panelleggja upp í bústað um helgina en hann er víst bissí.
Aaaandsk.... hehe.
jæja ætlaði að hafa þetta stutt og laggot..
Tókst ekki..
Enda þetta hér með...
Slútt.

P.s er að hugsa um að gifta mig í kyrrþey.
Ef þið vitið hvar þessi blessaða eyja er þá endilega látið mig vita.
Blóm og kransar afþakkaðir þar sem þeir vilja fjúka á haf út í bátsferðinni....
Moaahahhaaa.
Bless.is

Verslunarmannahelgi .. BÚIN...

2004-08-03T14:16:00.000+01:00

Hæ hó.

Jæja ekki fékk maður nú nokkurn drátt með systkinum sínum þessa verslunarmannahelgi..

(Bið að heilsa ykkur sem ákváðuð að slökkva á þessum óþverra strax og kærðuð ykkur ekki um að lesa meira .. hehe).

Þetta gerðum við Siggi og Anna eina verslunarmannahelgina sem lengi verður í minnum höfð fyrir örugglega einum 5 árum síðan.
Brunuðum á Bakka á Sunnudagskvöldi klukkan 9 um kvöldið til að athuga hvort við fengjum far yfir til Djöflaeyjunnar frægu til að ná í brekkusönginn.
Það var svo náttúrulega engin þar þegar við mættum loksins á svæðið um miðnætti.
Við ákváðum því að keyra inn í Þórsmörk á jeppanum hans Sigga.
Ég var að keyra af því að Siggi og Anna voru að detta í það.
Ég keyrði þetta inn í mörkina en vakti Sigga upp af áfengisdauða þegar fara þurfti yfir stórar ár.
Hann endaði svo með að festa okkur í sandgryfju og sem betur fer náðist gsm samband í 112 úr gamla símanum mínum svo við fengum "drátt" þá verlunarmannahelgina.
Við fórum því út úr mörkinni skelkuð og keyrðum heim aftur.. komum í bæinn um klukkan 6 um morguninn.. stuð.

Þessi verslunarmannahelgi í ár var líka dúndur skemmtileg.
Ég var í fríi eftir hádegi á föstudaginn og fór að gera klárt fyrir bústaðarferð.
Verslaði og svona og náði í Atla um hálf fjögur og svo var brunað af stað.
Engin umferð svo ferðin gekk eins og í sögu.
Anna, Halldór og Thelma komu í heimsókn um kvöldið og það var glatt á hjalla fram eftir kvöldi.
Fengum okkur Mochito romm drykki og meðí.
Allir orðnir hressir og sérstaklega Atli sem fór alveg á kostum með eftirfarandi vísu...

Lagið úr Sound of Music ...

Do - The stuff that buys me beer
Ray-The guy that sells me beer.
Me-The guy that drinks the beer.
Fa-The distance to my beer.
So-I think I'll have a beer.
La-La la la la laa Beer.
Tee-No thanks I'm drinking beer.
That will bring us back to DÓ ! (Bjórinn búin).

Þetta er auðvitað úr Simpsons.. enda algjör snilld.

þetta var samt ekki það eina sem Atli gerði mér, sér og öðrum til skemmtunar.
Þegar gestirnir voru farnir þá kem ég að honum sitjandi lúpulegur á pallinum glápandi út í loftið.
"oh hvað ég væri til í að hlaupa um nakin í grasinu" segir hann svona í hálfum hjóðum.
Ég var alveg" já ég mana þig !" (alltaf að ýta undir vitleysu hvar sem hún kemur niður)..
Svo bara veit ég ekki fyrr en hann er komin úr ÖLLU og farin að hlaupa um eins og brjálæðingur á sterum um alla lóð.
Velti sér upp úr grasinu og lá svo bara í alsherjar snertingu við algleymið..
Geðveikt stuð maður.
Það var nú ekki alveg eins mikið á stuð á mínum daginn eftir en það var alveg þess virði.
Náði nokkrum góðum myndum af honum en hann komst í þær og eyddi og eyddi...
Fór svo að leika sér í Photoshop til að laga herlegheitin hehe.

Á laugardeginum vorum við bara í rólegheitum þar til Þóra og Melli komu til okkar og svo komu Freyr og Nanna (frændi Atla og konan hans) og Íris, Ingvar og Kiddi (systir Freys og kærastinn hennar og sonur).
Við grilluðum og átum og spiluðm pílukast á blettinum en fórum svo á brennu sem var nú heldur döpur þannig að við enduðum hjá ömmu og afa Atla sem neituðu að fara á brennuna af því að amman þarf alltaf að spila svo mikið á gítar.. ;o,
Kveiktum svo bara okkar eigin bál í arninum þegar við komum til baka.
Íris, Ingvar og Kiddi gistu um nóttina en fóru fljótlega á sunnudeginum vegna veðurs sem var ekki alveg að gera sig þarna.
Alveg brjálað svo það nötraði allt og skalf en það var nú bara kósí.
Við Atli vorum því bara heima við en tókum á móti ömmu hans og afa en bönnuðum þeim að reykja inni sem þau voru ekki alveg að fíla held ég ..
Ég fæ brjóstsviða af of miklum reyk.. get ekki að því gert !
Við vorum svo svaka dugleg og panel lögðum nokkrar spítur.
Aðeins að undirbúa okkur undir átök næstu helgar þegar við ætlum að panel leggja allt herbergið okkar og einangra og gera klárt.
Nota vaxtabæturnar í þetta...
Notarlegt að hafa allt í panel.
Ég var svo dugleg við að skrifa söguna mína og dunda mér þar til danska myndin "En kort en lang" byrjaði á ríkisimbanum..
Mynd um homma sem er í sambandi við karlmann en verður ástfangin af konu..
Hún var skemmtileg og nú langar okkur svo að flytja til danmerkur.. Atli er eitthvað spenntur fyrir döskum hommum... held ég
Ætli það séu alltaf kassar af bjór í skápunum þar þannig að það er girnilegra að fara út úr skápunum og inní þá aftur í Danmörku ?? hehe.
Nei ekki alveg en það er gott að vera í kongens.
Við fórum svo heim snemma á mánudeginum.. losnuðum líka við alla umferð þá.. sem var MJÖG gott.
Ég fór svo með Önnu og Thelmu í rosa menningarreisu niður í miðbæ Reykjavíkur.
Fórum á Kjarvalsstaði þar sem var e-r plebba ítala perra sýning í gangi..
Þurftum ekki að borga inn þannig að það var sárabót.
Fórum svo í Hafnarhúsið á sýningar þar.
Brilljant eitt verkið.
Vídeó mynd varpað upp á vegg sem sýnir Þvörusleiki hálf grenjandi af reiði af því að um 1990 var formlega viðurkennt að heimili jólasveinsins er í Raviostii í Finnlandi.
Þetta var svo mynd af viðbrögðum Þvörusleikis sem fannst greinilega að sér vegið þarna.
Búin að vera til alveg 100 árum lengur en Raviostii jólasveinninn..
Ekki sáttur.
Mér fannst þetta svo æðislegt að ég væri alveg til í að hafa svona listaverk í stofunni hjá mér..
Allavega svona um jólin.
hehe.
Fórum svo á Hótel Borg í kaffi... maður er svo danneð.
Þegar ég kom heim fékk ég fréttir af því að kisa kom með enn einn fuglinn handa okkur.
Atli fór beint á netið til að lesa sér til um þetta.
Það er víst ekkert hægt að gera við þessu... þær eru svo duglegar að læðast að það heyrist bara ekki alltaf í bjöllunum.
Þetta er líka bara svona þeirra aðferð til að reyna að kenna okkur "ketlingunum" sínum að veiða..
Sérstaklega þegar hún kom með þennan lifandi inn um daginn..
Oh mér finnst þetta svo sætt... (ekki það að hún skuli drepa fugla heldur að henni finnst hún vera mamma okkar :o) bráðna alveg... míjááá.

Var svo bara heima um kvöldið að leika mér í Photoshop og svona.
Rosa gaman.
fór svo í rúmið með geðveikan höfuðverk og þá var nú gott að eiga Alka Selzer..
jæja nú VERÐ ég að fara að vinna.. þetta tekur alltof langan tíma að skrifa fyrir svona marga daga.
Það var rosalega gaman að fá svona mörg komments... :o)
Takk fyrir þau og ekki vera feimin að senda kveðju..
Gleður svo mitt litla kalda hjarta :o)
Verslunarkveðjur af flugvellinum !
Ciao.

Mörg gæs er Mörgæs...

2004-07-28T16:38:00.000+01:00

Hæ.
Vill engin tala við mig ?
Bendi á Comments dálkinn...
Þarf svo mikið feed-back... hehe.
Hlakka geðveikt til að komast úr vinnunni á eftir, kveikja á spilaranum í bílnum og kranka Alison Krauss í botn.
Fyrir ykkur sem hlustið bara á speedfunk og greddu rokk, þá er þetta rosalega góð Bluegrass söngkona sem syngur svona fallegar Bluegrass balljöður.
Ef þið nennið að skoða linkinn þá sjáið þið kannski skeggjaðan gaur með henni og for your information þá er þetta röddin á bak við George Clooney í "Oh brother where art thou" myndinni...
"Iiiii aam aaa man, of constaaaant sorrow..
I´ve seeeen touuuble on my way... "

Fór í labbitúr með Mömmu í gær.
Hún var eitthvað að nöldra yfir hinu og þessu ... aðallega þessu..
Fór svo að sálgreina mig (þá sjaldan sem athyglin beindist að mér) og ég er semsag mjög líklega með athyglisbrest og Manísk depresst... (meinti það nú ekkert illa en hún fékk þetta út af því að henni finnst að ef mér dettur eitthvað í hug þá verður það að gerst NÚNA og það STRAX !)
Sem getur nú alveg passað.
Hvað ætlaði ég nú að tala um í dag...
(Athyglisbresturinn hehe ;o)
Apríl.. alltaf prílandi... hehe.
Já sagði mömmu loksins að ég væri komin í Ásatrúarfélagið.
Skíthrædd um að ma myndi afneita mér.. hehe.
Hún fór að tala um að ég ætti nú að tala við Síra Einar (Fríkirkjuprestinn minn gamla).
Mér fannst þetta heldur fyndið..
Mamma er æði !
Köngulær eru ógeðslegar.
Sjáumst kúkalabbar.
Later spater..
Hehe.. gleymdi að minnast á Frissa á Akureyri.
Kall sem er holdgerfingur Akureyrar hrokagikkjanna.
Við endurskýrðum hann og nú heitir hann "Fritz von Kügelscreiber im Liederhosen.."
Ef ég væri karkter í LORD OF THE RINGS... hver væri ég ????
Hver væruð þið ???
Sendi garðyrkjumanninn minn "manninn með ljáinn" til ykkar ef þið svarið þessari lífsmikilvægu spurningu ekki !!!!
Be ware.
Bæjó í bili þó´...

Ertu búin að fá "Manninn með Ljáinn" í þinn garð að slá ???

2004-07-27T16:12:00.000+01:00

Hæ hó jibbí jei og jibbí-í-í jeiii það er komin ... þriðjudagur... öhömm..
Jæja var að missa mig aðeins í gleðinni.
Verslunarmannahelgin á næsta leiti.. (ætli Gróa sé með í för ? hehe)

Fyrir ykkur óþolinmóðu skapbráðu sem þráðuð ekkert heitar en að lesa bloggið mitt í gær þá hef ég löglega afsökun fyrir bloggleysi...´
Ég mætti galvösk í vinnuna...
Var ekki fyrr sest fyrr en dúndrandi skært ljós hitti mig í augun og endaði lengst inni í heilaberki með viðeigandi sársauka...
Einnig fann ég brennandi bensínfnyk sem umvafði vit mín svo mig sundlaði.
Best að fara heim og leggjast í rúmið í myrkrið...
Sem sagt komin með mígreinzzzz....
Ekki ýkja gaman.
Fann ekki augnaleppan minn sem er nauðsynlegur í þessu ástandi og varð því að notast við brjóstahaldara sem ég batt yfir augun... svo setti ég upp í mig gnísturgóm, tók hárkolluna af mér og setti upp verkamanna heyrnatólin....

..... Allar fréttir af andláti mínu eru stórlega ýktar..

Heldurðu að maður hafi ekki verið glæsilegur ásýndar..
Reyndar dreg ég nú til baka þetta með hárkolluna, þessi fáu strý á höfðinu eru mín eigin.
Verkamanna heyratól á ég nú ekki þó ég hafi oft notað slíkt þegar ég var lítil og Siggi bróðir snorkaði (hraut) villimannslega í næsta herbergi og hélt vöku fyrir mér.
Á heldur ekki gnísturgóm en maður væri nú ekkert smá sætur með svoleiðis hehe.
Jæja dópaði mig svo upp í dag og er eiturhress... vííí júúúú.

Við Atli fórum upp í bústað um helgina að vanda.
Tengaforeldra kjötið voru líka uppfrá sem var voða notarlegt.
Ég gerði herbergið sem við erum í núna aðeins upp, setti dúk á borðið og keypti hangandi skáp í IKEA (sem er brilljant búð að mínu mati... ).
Sendi auglýsinga reikning til IKEA á eftir hehe.
Við sátum svo í rigningunni úti á palli í regngalla með regnhlíf og sötruðum rauðvín og bjúr og horfðum á eldinn í úti arninum.. geðveikt kósý.
Fródó og Mellon (Þóra og Melli) komu svo upp eftir á laugardeginum.
Það var rosalega gott veður og lágum við eins og hráviður um alla lóð í rólegheitunum.
Ég föndraði við að re-vampa gamalt grill sem er orðið geðveikt flott..
Spreyjaði það svart og svo bjó ég til skapalón og spreyjaði með gylltu þannig að nú stendur "GRILL" og á hliðunum eru eldingar.
Geðveikt flott maður hehe.
Það var svo heilgrillað lambalæri í matinn sem var djúsí.
Við fórum svo heim á hádegi á Sunnudeginum og svo var sitið stíft við tölvuna við að skrifa söguna mína sem engin fær að lesa.
Fékk hálfgert flog í gær þegar Anna kom í heimsókn og vildi fá að sjá..
Not possible..
Maður hefur nú smá dignity þó megnið af því sé farið af sökum klaufaskapar hehe.
Vá fyndið Hrafnhildur.. heldurðu ekki að lagið okkar sé í útvarpinu..
Þig vil ég fá, til að vera mér hjá..
Besta línan í laginu er samt þessi :
"Vankaði viinuurr, svaraðu mér..."
Sé gaurinn fyrir mér dauðan inni á klósetti og kærastan að reyna að spjalla hehe.
Það er yndislegt að eiga kisur ... þú veist hvernig er best að lækna fóbíur ;o)
Hef heyrt að Danskir kettir séu miklu kurteisari en þessir íslensku.. hehe.
Sorry Thelma ef ég vakti þarna upp slæmar minningar..
Svona er samt bara lífið.. og dauðinn.

Jæja gott ,fatlað, fólk
Bubbi rúlar og hann púlar...
Við að segja EZZZZZ. (smámælt s hljóð... hehe).
Bæjóbbbæbæbææbæææ.

Samdi ljóð um sjálfa mig:

Elva heitir hún Dögg...
Fellur oft um hæðir.
Af hennis stafar þó lítið bögg...
Nem´er hún hræðir...
......................................litla óþekktarorma með því að sparka í rassinn á þeim !!!

Hvisss......

(Heyrist þegar Elvuskottið stekkur af stað inn í nóttina í latex kattarbúningnum svo skikkjan þyrlast í vindinum..... ).
Mííjááá.

Föstudagur.. rigning... gott fyrir ormana... :o)

2004-07-23T16:18:00.000+01:00

Hellóbb Shelob..
Muniði eftir henni ??
Hún var nú krúttleg blessunin.
Hvað haldiði nú að hafi gerst í gær..
Framhaldssagan heldur áfram.
Við komum heim og sjáum Kisu aftur í körfunni sinni..
Malandi illkvittningslega og prumpandi á okkur..
Minnti pínulítið á Felix Excorsistmiaoo (særingakötturinn)
Við klöppum kvikyndinu og förum inn.
Allt í fjöðrum aftur !
Nema ekkert hræ finnanlegt...
Hmmm en gaman.
Ég taldi mér trú um að þetta væru líklega bara fjaðrir frá því um daginn sem ég hafi ekki náð við skúringuna....
Hreinsa þetta upp og tek svo til við að brjóta saman þvott .. (dugnaður alltaf í minni :o)
Atli kemur svo til mín aðeins seinna og sýnir mér undir sjónvarpsskápinn.
Þar stendur fugl og skítur á gólfið mitt.
Amelie ofur kisi hefur ætlað að gefa okkur lifandi fugl svo við gætum fengið að leika okkur að honum..
Hún er svo góð þessi köttur.
Við náðum greyið fuglinum.. hann var stélfjaðralaus orðin og með sár á bakinu en virtist vera ómeiddur að öðru leiti.
Ég fór svo í gæludýrabúðina TOKYO (virkar svolítið neikvætt þetta nafn á mig .. hljómar eins og þau selji kanínur og ketti til matargerðar undir borðið... )
Fordómar hérna alls ráðandi.. ekkert íllt meint auddað ...
Allavega keypti ég 3 bjöllur í viðbót við þessar 2 sem fyrir eru á kisunni.
Ég skemmti mér svo við að hrista köttinn í gærkvöldi og fannst alveg eins og jólin væru komin hehe.
Haha sáuð þið commentið hans palla ?
Kona sem vaknaði upp við að kötturinn hennar var að burðast inn um gluggan með heila Önd !!!
Gott á grillið hehe.
Ég fór í hádeginu að versla í þriðja Ríkinu, Ikea og Ónuz..
Keypti dót í bústaðinn.. hlakka geggt til að komast þarna upp eftir á eftir og fara að gera huggulegt í kringum mig inni í herberginu sem við erum í at the mo.
Verðum semsagt bara í sveita sælunni um helgina.
Ætla svo með Thelmu í tjald útilegu á morgun kannski.. ef hún nennir.
Jæja óska ykkur góðrar helgar og fariði nú vel með ykkur...
Hlaupið hratt um gleðinnar dyr og dettið þið ...
Það myndi ég allavega gera Mooohahahaha. :o)
Góða helgiiiiii.

Villiköööötturinn Míaaajá. (aka Jón Gnarr í leðurdressinu með skottið).

2004-07-21T16:29:00.000+01:00

Sælinú.
Mikið var nú notarlegt að koma heim til sín í gær eftir vinnu.
Komum inn á gang þar sem kisa liggur flötum beinum í körfunni sinni á ganginum.
Yfirleitt kemur hún voða sæt á móti manni og nuggar sér upp við mann.
Í gær lá hún sem sagt bara og hreyfði sig ekki...
Skrítið ... svo opnum við hurðina inn í íbúð... allt í fiðri..
Við hugsum eftir fyrstu viðbjóðs hláturrokuna..
NOOOO en sæt að hún vilji borga fyrir sig.. :o)
En hvernig á maður að taka því þegar fyrir utan fiðrið eru tvær lappir og allur fuglinn upp étinn á eldhúsgólfinu hjá manni ?
Er hún ekki ánægð með fóðrið sitt eða ???
Blessuð dúllan.
Mig langaði nú að geyma lappirnar á fórnarlambinu og festa í kringum hálsin á kisunni.
Gera hana svoldið Röff.
Gaman að þessu.. ég held að þetta sé svona 7-8 fuglinn sem hún kemur með.
Svo kom ég einu sinni að henni að veiða mús en ég náði að bjarga henni.
Var ekki vinæl hjá minni í langan tíma á eftir.
Fór í rosa skemmtilegt matarboð í gær til Thelmu.
Hún var að fá gefins gasgrill.. rosa tæki.
Atli var head grill maestro og grillaði af sinni alkunnu snilld lambakjét.
Við gerðum svo að gamni okkar og átum ís í eftirrétt.
"I scream, you scream, we all scream for Icecream !!!"
Við Anna smelltum okkur svo á forsýningu á "King Arthur" klukkan 22:30.
Komum svo seint að við þurftum að sitja á næstfremsta bekk alveg út í enda.
Sáum því myndina svoldið á ská en það var allt í key.
Þarf bara að sjá hana aftur síðar.
Mér fannst einn riddarinn, sem er þessi týpíski "strong silent type" með Fálka á öxlinni, ógeðslega flottur.
Það er víst Danskur skuespiller sem leikur hann sem heitir Mads Mikkelsen.
Það er örugglega þetta Viggo Mortensen element sem er að gera sig þarna.
Er náttúrulega nowhere near him en það er nú annað mál.
Ætla að labba til Önnu í Öskjuhlíðina því fyrir liggur að bjóða Martin (fyrrverandi kærsten hennar) og fjölskyldunni hans í mat til hennar og nýja kærastans.. fyndið.
Það verður örugglega stemming.
jæja kommentiði endilega garmarnir ykkar.
Knúskí karambskí.
MMííííjaaaaaááá.. (sjáið fyrir ykkur Jón Gnarr í Villikattar auglýsingunni.. ).
Bæ í bíli.

Fólk með Shri...

2004-07-20T13:42:00.000+01:00

Ertu ekki að grínast !
Var í mat með vinnupakkinu og nýju konunni sem byrjaði í gær.
Við vorum að spjalla því hún var alveg að gefa það í skyn að þessar venjubundnu pólitík-fjármála- samræður væru ekkert alltof spennandi !
I agreee !
Hún fór þá að segja mér frá hvað hún hneykslaðist á 70 mínútum í gær.
Það kom skjáauglýsing " Fólk með Shri"
"Ef eitthvað fólk er með Shri endilega látið lögregluna vita"....
Shri er auðvitað konan sem hvarf og talið er að hafi verið myrt af eiginmanni sínum.
Þetta er auðvitað ekkert til að gera grín af en ég átti svo bágt með mig því ég er vondur heiðingi sem finnst þetta óborganlega fyndinn brandari.. hehehahhahahahahhahhhaaaa.
Ahhhh gott að fá útrás fyrir húmorinn.
Annars er bara allt í gúddí..
Las bloggið hans Palla og hann er greinilega að gera gloríurnar sem við gerðum saman áður.
Hrellum líðinn hvar sem við komum hehe.
You go boy !
Var að senda mail á einhverja Rannveigu í morgun ..
Sem betur fer las ég aðeins yfir mailið áður en ég sendi það..
Hafði nebbla skrifað "Rannveik".. hehehahhahaha.
Hvernig er þetta nafn annars hugsað... á að vera spurningamerki á eftir því ?
Ég meina ef Veiga rann, hvar lenti hún þá ?
Moaahahhahahaa.a.
Er ég orðin of súr núna ?
Látið mig endilega vita með því að ýta á lítinn sætan kassa sem heitir "COMMENTS" og gleðijið mitt litla hjarta :o.
Hey já Thelma ætlar að bjóða okkur í grill í kvöld.
Hún var nebbla að fá gefins gas grill .... heppna dýr.
Later spritzzz.
Mjá.

Sveitasælan í pásu þar til næstu helgi.

2004-07-19T11:01:00.000+01:00

Helló everybody !
Helgin búin og henni var spreðað í sveitasælunni í Mæjorka stemmingu.
Þvílíkur hiti og sól.
Ég er skaðbrennd eftir að hafa lagt í 3 tíma "fjall"göngu inní Eilífsdal með mömmu og 3 öðrum.
Það var rosa gaman en erfitt því ég var næstum búin að drukkna í mýri (sem gerði ferðina bara meira spennandi).
"We're living on the edge" eins og Aerosmith myndu segja...
Ég gleymdi nottla að setja á mig sólarvörn og fékk að finna fyrir því þegar leið á kvöldið.
Lét mömmu kaupa fyrir mig hreina jógúrt sem virkar rosalega vel á bruna sár.
Jarðarberja jógúrt virkar líka helvíti vel á svengd.. hehe.
Við Atli prufuðum arin-ofninn aðeins á Föstudagskvöldinu og það gekk ágætleg miðað við að við vorum ekki með neitt kyndiefni.. fundum bara gamlar spítur og brenndum.
Pabbi og Mamma komu með rúm sem ég á og er búið að vera í geymslu hjá Thelmunni í nokkurn tíma.
Það er semsagt komið upp í bústað og það var rosalega gott að sofa á því.
Á Sunnudeginum komu Þóra og Melli og við lágum í leti.. nema ég og Atli máluðum aðeins glugga og svona.
Það var svo djöfulli heitt að það var mest lítið hægt að gera.
Grilluðum fínasta lambakjöt og fórum heim seint og síðar meir.
Bið að heilsa ykkur í bili..

Krakka fjandi !

2004-07-16T14:08:00.000+01:00

Hæ hó.
Hvað haldiði að my evil triplet hafi gert í gær ??
(þá er ég ekki að meina Önnu mjöll, sem er auðvitað tvíbbinn minn, heldur íllu Elvuna sem leynist í litlum parti af heilanum á mér sjálfri.. my own, my precious ;oÆ).
Ég var þarna í góðum gír að rölta um bæinn
Sá tvo stráka vera að leika sér.. hélt ég !
Þegar ég kom nær sá ég að stærri strákurinn var í raun að "hrella" minni strákinn.
Sparkaði í hann á fullu og lamdi hann fast í hausinn.
Litli strákurinn var eymdin uppmáluð og reiðin blossaði upp í mér.
Ég ákvað því að skipta mér af og þegar ég gerði það þá fór stærri strákurinn að ögra mér með því að sparka ennþá fastar í greyið.
Ég elti þá og sagði: komdu hérna krakkafjandi og dúndraði svo í rassinn á honum svo glumdi í... fattaði um leið og ég var búin að þessu að ég var í þungum gönguskóm svo ef krakkinn er ekki með helbláan rassin núna þá væri mér illa brugið.
Svona er maður klikk =o& Heheh.
Hann átti þetta skilið !
Já fyrir utan þetta þá er bara allt gott að frétta af mér.
Ekki láta ykkur bregða samt ef næsta blogg verði ítarleg lýsing á fólkinu á geðdeild, deilt 4 B....
Þ.e að það verður búið að leggja mig inn ;o(
það væri nú allt í lagi .. gæti leikið mér við Palla allan daginn og látið hann gefa mér heita mjólk með hunangi fyrir svefnin :o)
Ekki amalegt.
Annars er maður að fara að blóta guðunum um helgina uppi í bússtað.
Allir velkomnir í heimsókn sem vilja.. nema að þið séuð hrædd við að við Atli fórnum ykkur til guðanna.
Just call me for instructions ;l
Góða helgi bara folkenzzz.
Bæjó.

Köttur úr hárum fer.

2004-07-14T19:10:00.000+01:00

Halló smalló.
Er komin heim og er að bíða eftir að klukkan verði nógu margt til að geta farið að labba með samstarfsfólki mínu í Öskjuhlíðinni.
maður er að reyna að vera ferskur.
Nú er merkisdagur því Atli minn var að skrá sig úr þjóðkirkjunni og er nú orðin fullgildur meðlimur í Ásatrúarfélaginu.
Ég fylgi svo formlega eftir á morgun... (maður þarf víst að hafa fax tæki til að geta sent í Hagstofuna).
Við erum rosalega sátt við þessa ákvörðun okkar.
Erum hvorug sannkristin og þá er alveg eins gott að vera ekkert að hræsna við að vera í þjóðkirkjunni/Fríkirkjunni.
Ásatrúin hentar okkur líka svo vel.
Maður má alveg tala um trúna við fólk en maður þarf ekki að boða hana út.
Maður trúir á náttúruöflin og vættina, goðin og mann sjálfan.
Kíkiði á linkinn um Ásatrú ef þið viljið sjá meira.
Vil minna á að jólin eru heiðin siður og því höldum við upp á þau ennþá !!
Hehehe
Anna og Thelma komu til mín í gær með kræsingar með sér(ekki amalegt :o) og við vorum að lesa sögu sem fannst í geymslunni hjá mömmu.. lágum í kasti yfir henni..
Djöfull hefur maður verið 16 eitthvað hehe.
Gaman af þessu.
Jæja ég bið ykkur vel að lifa að sinni..
Þar til næst ... ciaoooo.

Nýtt útlit

2004-07-13T14:34:00.000+01:00

Sælar/ir..
Jæja nú lá maður yfir forritun í gær og lagaði blessaða bloggsíðuna sína.
Hvernig líst ykkur á ?
Fannst vanta meira svona heimsíðu look á'etta sko.
Brjálað að gera í vinnunni..
Tölum ekki meira um það hér.
Fór með Thelmu Anonymouse hring í Heiðmörkinni í gær.. það var rosa fínt.
Langt síðan maður hefur séð dýrið sko.
Hún vakti mikinn áhuga hjá mér í að fara til Danmörku að læra að verða dýragarðsstarfsmaður.
Þetta er víst 3 ára og 8 mánaða "iðn"nám.
Allt er nú til.
Sjáið þið mig og hana ekki í anda að gefa köngulóunum og láta henda í okkur skít af innlifun af apaköttum hehe.
jæja enough for now.
p.s Gáfum tengdapaa úti arin-ofn til að ylja okkur á síðkvöldum uppi í bústað.
Lovely.
Ciao mes amicos...

Dettulíus

2004-07-12T17:09:00.000+01:00

Hæ hæ.
Jæja þá er ný vinnuvika að hefjast.
Brjálað að gera en ég læt það nú ekki á mig fá.
Maður er bara orðin celebrity.. Palli Pílatus búin að auglýsa mig í bak og fyrir á blogginu sínu sem er: maistjarnan.blogspot.com.
Kíkiði á þennan merkispilt.. !
Þar mjéð er ég rokin..
Ætlum að gefa tengdapabba mínum (honum Ágústi Atlasyni úr Ríó Tríó - litli,feiti með skeggið) afmælisgjöf í tilefni dagsins.
Kommmetið or die !
Later mallratzzz.

A cat seeks after Anonymouse

2004-07-09T10:11:00.000+01:00

Góðan daginn, glaðan haginn.
Allir hressir ??
Gott.
Gaman að fá svona semmtileg comment frá litlu skottunum mínum þarna úti :o)
Jú það er alls ekki fjarri lagi að fólkið í sögunni minni þurfi að hafa áhyggjur af gin og klaufaveiki... og ef það er ekki meira að segja smá pláss fyrir riðuveiki líka ?
Hver veit eins og þetta vindur nú upp á sig.
Oh get ekki beðið eftir að komast í helgarfrí.
Við Epli ætlum enn og aftur að eyða helginni í bústaðnum í Hvalfirðinum.
Þar ætla mamma og pabbi ásamt sínu stóra fylgdarliði einnig að dvelja skilst mér.
Þ.e Louisa, Natale og Jón Hálfdán Sigga-bró-sonur.
Ætli Anna og Ella kíki ekki líka.
Erum að hugsa um að fara eitthvað vesturmeð.. skoða Hraunfossa og eitthvað svoleiðis.
Gaman.
Ég þoldi ekki við inni í gærkvöldi og dreif mig enn og aftur í göngutúr.
Labbaði í gegnum hvammana og yfir nýju göngubrúna yfir í Áslandið og þaðan hringinn í kringum Ástjörn og aðeins upp á Ásfjall.. góð ganga.
Verst að Þóra og Mellon komu akkúrat þegar ég var að fara og þau fóru akkúrat þegar ég kom heim.. á maður að fara að gruna eitthvað ???
Hehehe..
Jæja nóg komið að sinni..
Maður hefur nú vinnu að sinna hér.
Góða helgi kæru vinir nær og fjær ;o)

Bakverkir

2004-07-07T14:48:00.000+01:00

Hæbb.
Hvernig stendur á því að fólk commenterar ekkert á mann hérna.
Hvað á þetta að þýða ?
maður er eins og loftbóla í miðju nethafi án nettengingar..
Ble..
Nóg að gera í vinnunni.. sem er mjög fínt því þá líður tíminn svo hratt.
Eyði nú öllum stundum í vinnunni fyrir framan tölvuna og svo hef ég undanfarna daga skellt mér í göngutúr áður en ég sest aftur fyrir framan tölvuna við söguskriftir.
Er búin að vera að semja epíska skáldsögu í huganum í mörg ár.
Svo datt mér allt í einu það snjallræði í hug að skrifa hana niður.
Það er svo að taka svolítið lengri tíma en ég hélt að það myndi gera þannig að nánast allar mínar frístundir fara í þetta þessa dagana.
Sem er fínt.. betra en að glápa endalaust á blessaðan imban í tíma og ótíma.
Martin er víst á landinu og er okkur Atlusi boðið til hans í kaffi eftir vinnu í dag.
Alltaf gaman að heilsa upp á hann og hans familíu.
Jæja er på job svo ég bið að heilsa ykkur draugarnir mínir :o)
Mjá.

Kæra dagbók....

2004-07-06T09:17:00.001+01:00

Halló Hafnarfjörður og nærsveitir.
Þá er vinnuvikan byrjuð með stæl eftir ljúfa helgi.
Við Atli brunuðum í Hvalfjörðinn í bústaðinn strax eftir vinnu á föstudaginn.
Foreldrar Atla, systir hans Þóra og vinkona hennar voru í bústaðnum með okkur.
Veðrið var nú ekkert spes alla helgina en það var samt mikið sitið úti á palli þrátt fyrir stöku skúr á stangli.
það var bara grillað og chillað að mestu á föstudagskvöldið.
Við stelpurnar kíktum svo í Mosfellsbæinn til að sækja vistir á laugardeginum.
Ég kíkti aðeins á mö og pa inn í Elífsdal.
Pabbi er búin að kaupa svefnsófa og koma honum þarna inn en mamma neitaði að gista fyrr en þau væru komin með almennilega eldhúsaðstöðu sem er nú alveg skiljanlegt.
Á laugardagskvöldið komu amma og afi hans Atla yfir í heimsókn (þau eiga bústað í nærheden) og ætluðu að horfa á Tékkland-Holland á EM....
Svo kom bara í ljós að það var ekkert svoleiðis leikur í boði þannig að þetta varð hálfgerð fíluferð fyrir gömlu hjónin.. en þau fengu nú að borða þannig að ferðin var ekki alveg til einskis hehe.
Við hugðum okkur svo til hreyfings upp úr hádegi á sunnudeginum.
Atli var ekkert í alltof góðu formi þannig að ég keyrði heim.
Gott að hafa control á hlutunum stundum sko.
Þegar heim var komið chilluðum við bara og ég sat í 11 klukkutíma við tölvuna að skrifa skáldsögu .. aðeins að reyna að finna sköpunargleðinni nýjan farveg.
Svo var bara back to the basics á mánudagsmorgni,,, vinna vinna vinna.
gaman gaman gaman...
jæja nóg komið af bulli for now.
Lifið heil und heil Hitler ef sá gállinn er á ykkur !
Later !

Föstudagur að koma !! þ.e helgarfríið

2004-07-02T16:30:00.000+01:00

Sælinú komrades.
Jæja þá fer maður að verða búin að vinna og getur því farið að huga að sveitafílingnum.
Það hefði nú verið toppurinn ef veðrið hefði verið eins og það var í gær.
Maður má nú ekki verða heimtufrekur á litla íslandi.. á bara að vera fegin svo lengi sem það snjóar ekki á mann allan ársins hring !
Við erum búin að vera fá hér í vinnunni í dag..
Það eru allir í fjallgöngu nema við letingjarnir.
Kannski maður sprikli bara upp á eitthvað fjallið á morgun... maður veit aldrei.
Nú er Ýra litla farin aftur til baunaveldis.
Það var rosa gaman að sjá hana aftur.. hittumst í útskriftargeimi hjá henni þar síðasta laugardag.
Svo heimsóttum við Atli hana og Fritz á þriðjudeginum þar á eftir á Laugarvatni
Við gistum eina nótt í íbúð sem þau voru í.
Bið að heilsa þér ýra ef þú ert að lesa.
jæja nú er komin tími á mig að drífa mig í helgarfrí.

Góða helgi gott fólk og hafið það gott :o)

Mjá

2004-07-01T23:56:00.000+01:00

Sælinú.
Nú situr maður heima í rólegheitunum.. er að hlusta á gæða bluegrass tónlist..
Næst tekur maður í banjó-ið og tekur lagið.. fær sér kannski eitt skro fyrst hehe.
Það er nú ekki á hverjum degi sem maður kemst svona óáreittur í tölvuskrattann.
Fór heim til mö áðan og hjálpaði Önnslu að þrífa bílinn hans pabba.
Hún er að fara til Agureyris með Louisu og Natale (fyrrverandi tilvonandi tengdaforeldra sína) og Gunnhildi Ástu.
þetta verður áræðanlega rosa gaman hjá þeim.
Ég tók svo Guðmund Birki með mér í göngutúr upp á Hamar.
Stoppuðum aðeins fyrir framan Lindarhvamminn og spiluðum fótbolta.
Þetta var ansi hressandi.. það er búið að vera svo geðveikt veður.
Jæja einn vinnudagur eftir og svo verður bara brunað upp í bússtað.
Ekki slæmt.
Skilst á pa og mö að þau ætli að gista í Elífsdal..
Verður að heimsækja þau.
Endilega sendið comment á mig :o)
Later !

Er í byrjunar vandræðum

2004-07-01T13:56:00.000+01:00

Hæ hó.

Jæja var búin að skrifa fullt en missti það út..
Byrja því aftur.
þetta var nú aðallega e-r þunglyndisleg umræða um góða veðrið og að þurfa að sitja inni í vinnunni.. en svona er lífið bara.. maður á sig nú ekkert sjálfur svossem. (komment beint frá vinkonu minni henni Söru på job).
það fer nú að fara að koma helgi og þá er planið að skella sér í heimsókn í Hvalfjörðinn.
Þar eru tengdaforeldrarnir og hugsanlega foreldrarnir í Elífsdal.. lýst ekkert smá vel á pabba kallinn að vera LOXINS búin að kaupa sér sumarbústaðalóð.
Æðislegur staður líka :o)
jæja maður er víst í vinnunni þannig að það þýðir nú ekkert að hangsa.
nóg að gera auðvitað.
Það fór náttúrulega allt í vitleysu hjá Flugfélaginu þegar ég var ekki til að bjarga málnum hehe.
Sjáumst.

anna hæ

2004-07-01T11:00:00.000+01:00

hæ hæ.. gaman að fara til agureyis.